Ekainaren 5ean, igandean, Ingurumenaren Munduko Eguna ospatuko da Atarian. Aurtengo leloak "Lur bakar bat" modu jasangarrian eta naturarekin harmonian bizitzeko deia egiten du. 2022an 50 urte beteko dira ekainaren 5a Stockholmeko Giza Inguruneari buruzko Nazio Batuen Konferentzian Ingurumenaren Munduko Egun izendatu zutenetik.

Gaur duela 85 urte, 1937ko apirilaren 26an, Alemania Kondor Legioak eta Italiako Aviazzione legioen hegazkinek Gernika bonbardatu zuten ehunka hildako eta zauritu eraginez. Astelehenero bezala azoka eguna zen herrian.

Lau orduko bonbardaketa izan zen. Eraikinen % 1 besterik ez zen zutik geratu. Ondorengo gerretan hain ugariak izango ziren zibilen sarraskien saiakera izan zen. Azken ikerketen arabera, hildakoak 2000tik gora izan ziren.

1937an bertan, gertaera lazgarri hura gaitzat hartuta, Pablo Picasso margolariak Gernika margolana egin zuen, urte hartako Parisko erakusketa unibertsalean gerren zentzugabekeria mundu osoari erakusteko.

Usansolok Bizkaiko 113. udalerria izan ala ez erabaki du martxoaren 27an. Usansolo Galdakaotik bereiztearen alde bozkatu du herritarren % 81,5ek. 2302 pertsonak eman dute gaur botoa, % 63ko partaidetza lortuz. Azken erabakia, Bizkaiko Batzar Nagusien esku geratuko da.