Laugarren aldiz ospatuko dute Nafarroa Oinez Tafallan datorren urriaren 16an. “Erdian erein” lelopean, azken lau hamarkadatan euskaraz bizitzeko lan egin duten belaunaldiak omenduko ditu Garcés de los Fayos ikastolak.

Izan ere, 1986, 1997 eta 2011ospatu ondoren, erdialdean ospatuko dute berriz ere Nafarroako ikastolen jaialdia.

Gaur egun euskarak Tafalla aldean duen osasuna, garai bateko belaunaldiek egindako ahaleginaren emaitza izanik esker oneko Nafarroa Oinez izango da aurtengoa.

Gauzak honela, urriaren16an, Tafallako kaleak jendez beteko dira, euskaraz bizitzearen aldeko aldarria, Nafarroako erdigunetik Euskal Herrira ozen hedatzeko.