Egitarau zabal omenduko dute Eduardo Txillida, bere jaiotzaren mendeurrenean

2024an ehun urte beteko dira Eduardo Txillida jaio zenetik. Horregatik, bi urterako egitarau zabal batekin omenduko dute artista Euskal Herrian eta nazioartean. Eduardo Txillida-Pilar Belzunce fundazioak antolatu du omenaldia, eta erakusketak, musika, hezkuntza eta pentsamendua jorratuko dituzte, besteak beste. Txillida Lekun egingo dute urteko lehenengo ekitaldia: museoak 'Topaketa lekua IV' pieza hartuko du.