Image

Sakonean

All Stories

Janire Lazkano: ‘Ez zen istripua izan, zuhurtziagabekeriazko hilketa onartu zuten'

Ehunka pertsonek manifestazioa egin dute igande honetan Ermua eta Eitzaga artean, Zaldibarko zabortegiko luiziaren bigarren urteurrenean. Erantzukizunak argitu daitezela eskatu dute.

Pasa den igandean bi urte bete dira Verter Recycling enpresaren Zaldibarko zabortegia amildu eta Joaquín Beltran eta Alberto Sololuze lurpean geratu zirenetik. Beltran oraindik lur azpian dago; Sololuzeren gorpua bakarrik aurkitu zuten. Heriotza horiez gain, kaltea handia izan zen inguruan ere. Zenbait egunetan kutsadura atmosferikoa handia izan zen, batez ere 37 biztanleko Eitzaga auzoan.

Igandean Ermuan biltzeko deia egin dute, Zaldibar argitzen jarraitzea helburu

Zaldibarko zabortegia erori zela bi urte bete dira. Kalteak ikaragarriak izan ziren. Luiziak Joaquin Beltran eta Alberto Sololuze arrastaka eraman eta lurpean geratu ziren.

Zaldibar Argituk Eusko Jaurlaritzak hondamendiaren aurrean izan duen jarrera salatu du, baita gertaerak argitzeko oztopoak jarri izana ere. Horren aurrean, ardurak eta erantzukizunak bere gain hartzeko eskatu dio plataformak Gobernuari.

Bigarren urtemuga honetarako Zaldibar Argituk, Ekologistak Martxanek, Aldaketaldiak eta Larreko Mahaiak manifestazioa antolatu dute eguerdiko 12etan Ermuko plazatik Eitzaga auzoraino, eta bertaratzeko deia egin diete herritar guztiei.

Julen Perez: ‘Ekoizpenaren erdia galdu dugu. 1.100 ahate hil dituzte, ia 100.000 euro dira’

Bueltan da hegazti gripea Ipar Euskal Herrian. Julen Perez Beti Aitzina etxaldeko hazleak esan digu gripea txori migratzaileek izaten dutela, baina ahateen hazkuntza industrialeko garraioen bidez hedatzen dela gehienbat etxaldez etxalde garraiatzerakoan. Kontua da, gripe hori duten hegazti guztiak hiltzera behartzen dituela Frantziako Gobernuak. Beti Aitzina etxaldean 1.100 ahate hil dituzte, 100.000 euro inguruko kaltea eraginez. Testuinguru honetan, ELB sindikatuak manifestazioa egingo du larunbatean Donapaleun, 14:00etan, hegazti hazleei babesa erakusteko.

Martin Villak Martxoaren 3ko hilketen "erantzule politiko eta penala" izan zitekeela onartu du

Argentinako justiziak auzipetzeari uko egin ondoren egindako lehenengo adierazpenetan, Rodolfo Martin Villa ministro ohi frankistak onartu egin du 70eko hamarkadan izandako hilketen eta torturen "erantzule politiko eta penala" izan zitekeela. Era berean, memoria berak bertsio bakar bat ez duela argudiatuta, memoria legeak ia ezinezkoak direla eta interpretazio politikoetan ez erortzea.

Europako makroetxalderik handiena Caparroson kokatzen da

Azken egunotan polemika sortu dute Alberto Garzon Espainiako ministroak egindako adierazpenek. Etxalde erraldoien eredua kritikatu du. Espainiako datuak aintzat hartuz, ia 70.000 txerri ustiategi intentsibo daude Espainian. Horietatik 3.000 inguru makroetxaldeak dira. Proportzionalki mundu osoan txerri gehien dituen herrialdea da Espainia, 32 milioi txerri baino gehiago baitaude eta biztanleria 47 milioikoa da.

Gurean, berriz, Euskal Herrian etxalde handiena Nafarroan Caparroson dago. Guztira 8.000 esne behi daude eta talde ekologistek hainbatetan salatu dute inguruko lurra eta ura kutsatzen ari dela. Testuinguru honetan, Nafarroako Gobernua makroetxaldeen ereduaren kontra azaldu da. Gehienez 1.250 abelburura mugatzeko araudia laster aterako dute Parlamentuan, Caparrosokoa ez handitzeko eta halakorik ez errepikatzeko.

hamaika telebista

11 laguntzaile

Image