Iban Garro idazle lesakarra poemazko idazlana sortzen ari da Urepelen, Geuretik Sortuak egitasmoaren barruan. Argi dauka bi euskalkien arteko nahasketa egingo duela: "Berritasunak sorgintzen gaitu; hemengo euskararen doinuak eta goxotasunak nire euskalkia aberasten du dudik gabe". Artista ezagutzeaz gain, Xole Aire Urepeleko auzapezarekin ere hitz egin dugu herriaren errealitatea lehen eskutik jasotzeko.