Inauteri ezberdinak ospatzen dituzte Lizarran, eta azken urteetan herri inauteriei eman diote garrantzia batzordetik. Horretarako, pertsonaia berriak sortu eta ikastetxeekin elkarlanean aritu direla azaldu digute Maiderrek eta Garazik.

Industrialdea izatetik auzo izatera nola iritsi zen azaldu digu Albertok. Kasu xelebre honek sortzen dituen arazoei buruz ere aritu gara Errearekin, arazo txikiak batzuk, baina handiak beste batzuk.

Herriko talde baten eskariz idatzitako ipuinari buruz aritu gara Patxirekin. Duela 20 urte bertan bizi zirenekin elkartu, eta garai bateko ohiturak eta istorioak bildu ostean sortutako ipuina da. Horrela, egungo inauterietako pertsonaiak ezagutu ditugu.

Puyren bidez Sarrigurenek azken 10 urtetan izandako aldaketa ezagutu dugu. Bizitza proiektua garatu ahal izateko, eta herrian oinarrizko zerbitzuak egon daitezen borrokatzen aritu dira hainbat kolektibo.

Alkateak herria aurkezteaz gain, bertako bizilagunak zertaz bizi izan diren eta egun zertaz bizi diren azaldu digu. Horrez gain, herria ezagutzeko ezinbestean ezagutu beharreko txokoak aipatu dizkigu.

Atarrabiako euskararen etxea den Karrikaluze elkarteari buruz hitz egin dugu Itziarrekin. Sorreraz eta helburuez hitz egin eta gero, gaur egungo egitura, gazteekin lantzen dituzten ekimenak, helduentzako kultur ekimenak eta gainontzekoak azaldu dizkigu Itziarrek.

Berdea proiektua garatzen ari dira Atarrabian hainbat ekimenen bidez. Horietako bat Ekogunea, eta horren bidez landu nahi dituzten arloak eta elkarlanak azaldu dizkigu Mikelek. Aurretik egindako eta etorkizuneko beste egitasmoei buruz ere aritu gara.

Atarrabia abesbatzako kide dira Elena eta Arantxa. Beren ibilbideaz aritu gara solasean, eta baita datorren urtean ospatuko duten 20. urteurrena dela eta antolatuko dituzten ekintza bereziez ere.