70 bat urte badira Lezaun Deierritik irten zela, eta egun, herriak bizi duen egoera ezagutzen lagundu digu Mikel alkateak. Bestalde, herriaren hainbat bitxikeriaren eta ohituren berri ere eman digu.

Hainbat artelanez osatutako Andia Vinciko Leonardak proiektuaren berri eman digu Nataliak. Helburuak argi izanik, horietara iristeko prozesuaz ere aritu gara Nataliarekin. Bestalde, herrian bizi ahal izateko egungo etxebizitzen arazoaz ere mintzatu gara Nataliarekin.

Basabere baserri eskolaren haur, familia edota ikastetxeentzako eskaintza ezagutu dugu. Zenbait animalia maskotatzat hartzearen arazoa ere azaldu digute, eta etorkizuneko proiektuen berri ere izan dugu.

Aurizberri Errobarren kokatzen lagundu digu Josebak. Garai bateko eta egungo lanbideez eta Donejakue bideaz ere aritu gara, eta azkenik, Urrobi kanpinean dagoen eta kudeatzen duen Baratze jatetxeaz ere galdetu diogu.

Aurizberrin jarri zuten martxan Aitorrek eta ibarreko zenbait gaztek gaur egun Pirineoko bertso eskola bezala ezagutzen dena. Pilota zaletasunaz ere aritu gara Aitoreekin, eta familia proiektua den Pirineki enpresako ateak ireki dizkigu.

Ureta jaurerrian jaioa da Elvira. Bertan bizitzeak egunerokoan sortzen zituen egoerak aipatu dizkigu Elvirak, eta neguak eta udak Aurizberrin nola igarotzen dituen ere kontatu digu.

Erroibarko adineko jendeak bizi duen egoera ongi ezagutzen du Pilik. Horiek nola bizi diren eta dituzten beharrak zeintzuk diren aipatu dizkigu. Zaintzailea zaintzearen garrantziaz ere aritu gara Pilirekin, besteak beste.

Estella-Lizarraren sorrera azaldu digu Reginok. Horrekin batera, herriko hainbat monumentu erakutsi digu eta baita horiek gordetzen dituzten hainbat bitxikeri ere.