Iruñeko Udaleko aktualitatea aztertu dugu Joseba Asiron EH Bilduko zinegotziarekin. Horrez gain, asteak utzitakoen errepasoa egin dugu Nafarroa Gaur albistegian, eta besteak beste, Kaparrosoko makro-behitegiak eragindako kutsadura zantzuak izan ditugu hizpide.
Noaingo Batailaren bostgarren mendeurrena izango da ekainaren 30ean. Hori oroitzeko ekitaldia egitekoak ziren asteburuan, baina ultraeskuinak kontra ekitaldi bat antolatu, eta atzeratzea erabaki dute. Bere aldetik, asteburuan Nafarroa Berriz Altxa herri ekimenak manifestazio jendetsu eta anitza deitu zuen Iruñean, 'Burujabetza askatasuna da!' lelopean. Hori eta gehiago, Nafarroa Gaur albistegian.
Gaurko albisteagian, Unai Hualdek, Nafarroako parlamentuko presidenteak, Nafarroako instituzioen burujabetza mailaz eginiko gogoetak errekuperatuko ditugu eta Leitzako alkatearekin, Mikel Zabaletarekin, herriak duen garraio-publiko gabezia izango dugu hizpide. Horrez gain, euskara eztabaida publikoaren erdigunean kokatu da berriz ere.
COVID19ak eragindako pandemiaren egoerari dagokionez, beheranzko joerarekin hasi da astea; Nafarroan 41 koronabirus kasu atzeman dituzte eta positibotasun-tasa %2,4an dago. Gainera, gaurtik aurrera, gaixotasuna berriki jasan duten, PCR negatiboa duten zein txerto prozesua osaturik duten Nafarroako herritarrek eskuragarri dute Osasunbideko Karpeta Pertsonalean eta Osasun Etxeetan, hala nahi izanez gero.
Nafarroan COVID19aren kutsatze datuak apalki igo dira baina positibotasunak adierazten du une honetan izurritea kontrolpean dagoela. Kultur programaren 26. edizioa aurkeztu dute gaur, eta ekainaren 18tik irailaren 4ra bitartean egingo da Nafarroako 38 herri eta kokagunetan. Nafarroa Berriz Altxa herri ekimenak, berriz, Nafarroaren burujabetza aldarrikatzeko mobilizazioa deitu du ekainaren 19rako; ekimeneko kide den Joseba Compainsekin hitz egin dugu.
%21 egin dute behera COVID19 kasuek Nafarroan azkeneko astean zehar eta hori dela eta neurri murriztaileak berrikusten hasi da Nafarroako Gobernua. Hala ere, Santos Indurain kontseilariak zuhurtzia eskatu du. Era berean, Osasunaren klubaren sustatzaileei egindako omenaldia, eta Poliziaren Indarkeriaren Biktimen legea aztertu ditugu aste honetako saioan.
Nafarroako gaurkotasuna aztertuko dugu gaurko albistegian: Caparrosoko makroetxaldea gertutik ezagutzeaz gain, Nafarroa berriz altxa herri ekimena, eta Osasunak Atletico de Madriden aurka lortutako garaipena izango ditugu hizpide. Ez galdu!
Nafarroako gaurkotasunari helduko diogu Nafarroa Gaur albistegian. Covid19ak eragindako pandemiaren xehetasunak ezagutzeaz gain, Nafarroa Berriz Altxa ekimena eta IES Alaitz Institutuko ikasleek estreinatutako 'Lurperatutako ahotsak' izan ditugu hizpide, besteak beste. Ez galdu!
