Nafarroako aktualitatea, Nafarroan ekoitzitako albistegian. Iruñeko kartzela zaharra Memoria Gune Historikoa bilakatu dute azken astean. Bestetik, 1979tik gaur egun arte Nafarroan izandako torturaren ikerketa txostena Parlamentura iritsi da. Horretaz gain, Belateko tunelen bikoizketa obren lizitazioa iragarri du Txibitek. Gainera, medikuen eta langile publikoen grebak dira hizpide Nafarroan. Hau eta askoz ere gehiago Gaztelu Plazan.

Osasun zerbitzuen egoera eta indarkeria matxista hizpide ditugu aste honetan, baita, hezkuntza ere. Mañerun euskaraz bizitzeko oztopoak batetik, diru publikoa jasotzen segitzen duten ikastetxe erlijiosoak, bestetik. Nola ahaztu, Kopako euskal derbia, Osasuna eta Atletic, aurrez, aurre. Malerreka aldetik, berriz... inauteriak!

Nafarroako aktualitatea, Nafarroan ekoitzitako albistegian. Elurrak, temperatura hotzei eta izotzari ireki die bidea aste honetan. Hauteskundeetarako atzera kontua hasita, hemendik lau hilabeteetara Nafarroako hiriburuko alkatea nor izango den jakin bitartean, alderdi guztietako zerrendaburuak ezagutu ditugu. Medikuen Sindikatuak greba mugagabea planteatu du otsailaren 1etik aurrera, eskakizun zehatzak dituzte exekutiboarentzat. Gizonezkoen Osasunak Koparen finaletarako pasea lortu du Sevillaren aurka 2 eta 1 irabazi ostean. Kultura arloan Iruñea Beltza jaialdia ospatu da Iruñean, eta tatuajearen munduan murgildu gara Castle Studioko Zamarekin.

Nafarroako aktualitatea, Nafarroan ekoitzitako albistegian. Hamaika Telebista Madrilera gerturatu da asteko saioa FITUR nazioarteko turismo feriatik egiteko. Volkswagenen lan-erregulazioa erdieroale faltagatik, medikuen greba eta zahar etxeko langileena izan ditugu albiste aste honetan. Gainera banderak gora eta behera izan dira, alde batean Sadar futbol zelaian zaletuei kendutakoa, eta bestean eguraldiak Maya alkateari botatakoa. Kultura arloan Nafarroako Orkestra Sinfonikoa eta Maddi Ane Txoperena idazlea izan ditugu gurekin.

Nafarroako aktualitatea, Nafarroan ekoitzitako albistegian. Hauteskunde giroan murgilduta, Iruñeko alkatetzarako hautagaien berri badugu dagoeneko, ezker zein eskuin. Inflazioa eta osasun zerbitzuen etorkizuna ere, mahai gainean ditugu. Jurramendiko 76ko gertaerak eta azken hamarkadetan Nafarroa kolpatu duten tortura kasuak ere, hizpide izan ditugu aste honetan. Eta, argi negua, gertu dugu-ta. Tenperaturak behera egingo dute datozen egunotan. Nafarroa, gurean gaur.

Plangintza zaharkitua, estrategia falta, medioen eskasia eta suteen gaur egungo egoerari aurre egiteko zailtasunak mahai gainean jarri ditu, LABeko ordezkari den Iñigo Balbas suhiltzaileak.

Iñigoren hitzetan, Nafarroako Gobernuak ez du estrategia zehatzik eta zerbitzuak 30 urte baino gehiago dituen plan baten gainena jarraitzen du lanean. Modu honetan, garai eta larrialdien izaeraren aldaketarekin, ezinezkoa egiten zaie herritarreni behar bezalako zerbitzua eskaintzea.

 

Inperialismorik gabe, ezin daiteke Hispanitatearen eguna ulertu. Hala uste du Sabino Cuadrak Espainiar estatuaren jai egunaren zentzugabekeriaz mintzatu garenean. Gaztetik militantzian sartuta, gerora abokatu laboralista lanetan, eta azkenik Madrilgo Kongresuan Amaiurreko ordezkari izan zen. Gaur egun erretiratua dagoen arren, ez du kontzientzia politikoa alde batera utzi. Bere ibilbideaz eta hispanitatearen egunaz hitz egiteaz gain, frankismoaren herentziaz, monarkiaz, torturaz eta oroimen historikoaz mintzatu gara Sabinorekin.