Image

Euskal Herria

All Stories

Gipuzkoako Onkologikoko garbitzaileek hogei eguneko grebari ekin diote, ELA sindikatuak deituta

ELA sindikatuak adierazi du lehen eguna “arrakastatsua” izan dela; “gutxienez” greba hogei egunez luzatuko dela iragarri dute. ELA sindikatuak adierazi duenaren arabera, ia denak emakumeak diren talde horrek Gipuzkoako kale garbitzaileek baino %25 gutxiago irabazten dute. Urtean 20.000 euro inguru kobratzen dituzte.

11:00etan egin dute elkarretaratzea, baina aurretik, 07:30ean, Onkologiko ondoko errepidea moztu dute ordu erdiz eta trafiko handia egon da inguruko errepideetan protesta dela eta. Aste honetan egunero egingo dituzte elkarretaratzeak eta manifestazioak.

Peio Dufau, CGT: “Jendearen gehiengo zabal bat, lautik hiru, erreforma horren kontra dago”

Elisabeth Borne frantziar lehen ministroak urtarrilaren 10ean aurkeztu eta hilaren 23an ministroen kontseiluak berretsitako erretreten erreformaren kontrakotasunak bigarren hitzordu nagusia du bihar, urtarrilaren 31n. Ipar Euskal Herrian hitzordu nagusia goizeko 10etan izango da Baionako Santa Ursula plazan. Bada, gaiari sakonago heltzeko, Peio Dufau CGT sindikatuko kidea elkarrizketatu dugu.

Jonan Goñi, LAB: “prebentzio legea bete ezkero, istripuen erdiak gutxienez bertan behera geratuko lirateke”

69 langile hil ziren iaz Euskal Herrian beren lanpostuetan. 2021ean baino bat gehiago izan ziren, eta 2020an baino lau gutxiago. Horiek hala, guztira 530 lagun hil dira lanean azken hamarkadan. LAB sindikatuak urtero lan istripuen inguruan egiten duen txosteneko daturik deigarriena da, azken urtekoa iragan astean aurkeztu zuten. Txostenarekin batera, beste hainbat hausnarketa mahai-gaineratu ditu sindikatuak eta horiez hitz egiteko, Jonan Goñi Lan Osasuneko Idazkaritzako kidea elkarrizketatu dugu Hamaika Telebistan.

Arabako Mahastiak zigiluak Kontseilu propioa osatu du

Arabako Mahastiak zigilu berriak Kontseilua osatu du eta estatutuak sinatu ditu.
Eusko Jaurlaritzak behin-behineko baimena eman zion Arabako Mahastiak zigiluari. Hori egia bihurtzeko ABRA elkarteak Kontseilua osatu behar zuen eta estatutuak sinatu. Urtarrilaren 21ean izan zen bilera eta Emilio Aguillo, Solar de Ayala upategiaren jabea, Kontseiluaren lehendakaria izendatu dute.

Nafarroako Lehen Mailako Arreta eskuragarriena izan arren, irisgarritasuna arazoa da

Hitzorduen % 30 zazpi egunetatik aurrera ematen dira eta Nafarroako pazienteen % 7,7k ezin izan ziren sartu beren osasun-zentrora joan behar izan zutenean, eta hala ere, beste erkidegoetakoa datuekin alderatuz, Nafarroako datuak onenak dira; estatuko batez bestekoa % 15,1 baita. Hala zehazten da Osasun Publikoaren Defentsarako Elkarteen Federazioak Lehen Mailako Arretari buruz egin berri duen azken txostenean. Irisgarritasuna da Lehen Mailako Arretaren egungo egoeraren oztopo eta erronka nagusietako bat. Eta are gehiago pandemiaren ondoren.
hamaika telebista

11 laguntzaile

Image