Langabe saria lortzeko baldintzak zorroztu ditu Frantziako Gobernuak. Hala, gaurtik aurrera, iparraldean, lan egin beharreko gutxieneko epea luzatu du, eta horrez gain, saria apalagoa izango da. Sindikatuek ohartazi dutenez, erreforma horrek, prekarioenak prekariago egiten ditu.

ELAren XV. kongresua ospatu da Bilboko Euskalduna Jauregian. Bertan, ELAko ordezkariek Mitxel Lakuntza hautatu dute berriro idazkari nagusi gisa hurrengo lau urteetarako, bozen %90,69arekin. Euskal errepublikaren beharra defendatu du Mitxelek: "Euskal Errepublika nahi dugu, gizon eta emakumeen arteko berdintasuna bermatuko duena, ingurumena zainduko duena eta ongizatea ziurtatuko duena".

ELAk XV. Kongresua egingo du gaur-bihar bitartean. Gaurko saioan, Mitxel Lakuntzak, sindikatuko idazdakariak, hamaika gai hizpide izan ditu, hala nola, pandemia, estatu krisia, kapitalismo basatia eta prekarietatea. Gainera, Lakuntzak nabarmendu duenez, ekonomikoki, sozialki zein ekologikoki jasangaitza den kapitalismoaren aurrean sindikatuak alternatiba eraiki behar du.

Euskal Herria Kapitalari Planto!, EHko eragile sozial eta sindikal ugarik osatutako plataforma, kalera atera da 'Black Friday'ari planto egiteko. Bizkaiko hiriburuko bi merkataritza-gunetan izan da ekintza, Primark eta Zara denden aurrean.

Gizarte Segurantzak ordaindutako gastuak ikuskatzea adostu dute Espainiako Gobernuak, EH Bilduk eta ERCk. Hau da, 1967tik Gizarte Segurantzak izandako diru sarrerak eta gastuak ikuskatzea. Horrez gain, lau alderdiak ere ados jarri dira urtebeteren buruan pentsio minimoaren zenbatekoa eguneratzea eta haren eboluzioa gutxiengo soldatari lotzea.

Pentsioen erreforma aurrera doa, eta atzoko saioan, aldeko botoa eman zuten PSOEk, Unidas Podemosek, ERCk, EAJk eta Compromisek, eta aurkakoa, aldiz, PPk, Voxek, Ciudadanosek eta CUPek; EH bildu abstenitu egin zen.

Espainiako Estatuko Aurrekontu Orokorren negoziazioan, amiantoaren biktimei kalte-ordainak emateko 25 milioiko funtsa adostu du EH Bilduk Espainiako Gobernuarekin. Izan ere, EH Bilduk ERCrekin batera aurkeztutako zuzenketa onartu da Diputatuen Kongresuko Aurrekontuen Batzordean.

ELA, LAB eta ESK sindikatuek deituta, Bizkaiko eraikinen eta lokalen garbiketako langileek manifestazioa egutegia zehaztu dute. Hala, gaur, Basaurin mobilizaztu dira, eta hurrengo asteetan, Getxon, Durangon eta Bilbon egingo dituzte mobilizazioak.