Gora Garbitzaileak izenarekin, Bizkaiko garbiketaren sektoreko dozenaka langilek hitzarmen duin baten alde borrokatzeko antolatzea erabaki dute.

50 langile edo gehiago dituzten EAEko zenbait sektore ekonomikotako 1.000 enpresa pribatu baino gehiago analizatu ditu Bizkaiko Enpresari eta Zuzendarien Elkarteak (AED) Spri Taldearen laguntzarekin. Azterketa horren emaitzaren arabera, administrazio-kontseiluetan emakumeen presentzia % 19ra mugatzen da, eta %24k bakarrik betetzen dituzte zuzendaritza-postuak. Baina Isabel Iturbe Bizkaiko Enpresari eta Zuzendarien Elkarteko presidenteak adierazi du harrigarriena dela ia % 44k ez duela emakumerik zuzendaritzan.

Adifek iragarri du 3 milioi euro inbertituko dituela abenduaren 9an Zumarraga-Gabiria trenbidean izandako euri-erauntsiak Erizmendi tunelaren ahoan eragindako kalteak behin betiko konpontzeko.

Aldiriko tren baten lehen bagoiak talka egin zuen euriteen ondorioz izandako harri-jausi batekin. Gertakarian ez zen inor zauritu, baina bidea bost egunez itxi behar izan zuten.
Hurrengo egunean, Semaf sindikatuak adierazi zuen makinistaren erreakzio azkarrak kalte handiagoa ekidin zuela. Abiadura handiko sarea ohiko sarearen gainetik mantentzea lehenesten ari dela ere salatu zuen, eta istripua trenbidearen mantentze txarrari egotzi zion. Horrela, azpiegitura hobetzeko eskatu zien Espainiako Gobernuko Garraio Sailari eta Adifi.

Ia hiru hilabete geroago, Adifek iragarri du 3 milioi euro baino gehixeago inbertituko dituela kaltetutako eremua erabat konpontzeko.

EHNEk, UAGNk eta UCANek deituta, nekazari eta abeltzainek lanuztea egin dute Nafarroan, eta dozenaka traktorek Iruñeako kaleak bete dituzte. Historikotzat jo dute protesta, nekazarien elkarte guztiek bat egin baitute, lehen sektorearen eta landa garapenaren alde.

Otsailean, 747 langabe gehiago daude Hego Euskal Herrian. Langabezia % 0,11 jaitsi da Araba, Bizkai eta Gipuzkoan, eta % 2,67 igo Nafarroan. Bestalde, 90.000 kontratu izenpetu dira, eta horietatik 13.684 izan dira mugagabeak.

Bizkaiko autoeskoletako langileek greban jarritzen dute, eta, gaur, manifestazioa egin dute ELAk deituta. Izan ere, asteazken honetan, APAVIk bilera izan du bere kideekin, ELAk otsailean aurkeztutako proposamena azterketzeko. Patronalak sindikatuari adierazi zion batzar hori izan arte ez zela eurekin elkartuko, hala ere, bart, APAVIk ez zuela bilerarik zehaztu ohartarazi du ELAk.

Auzo eta herrietan bizi baldintza duinak borrokatzeko tresna sortu LABek, ABIATU izeneko ekintza sozialeko komunitate tresna alegia. Lehen kanpaina aurkeztu dute Gazteizen eta Bilbon, eta langile guztiei etxebizitza eskuragarri eta duina bermatzeko neurriak aldarrikatu dituzte. Horregatik, etxebizitza politikaren arduradunak interpelatuko dituela iragarri du sindikatuak.

Gaur epaiketa izan dute Vulcanizados Zuloagako langileek, izan ere, ELAk salaketa jarri zuen enpresak grebarako eskubidea urratu duela iritzita. 247 egun daramatzate greba mugagabean lan hitzarmen duina aldarritzako.