Olentzero iritsi aurreko egun esanguratsuetan, abenduaren 22an eta 23an, grebara deituta daude Amazonen Trapagarango (Bizkaia) langileak. Enpresa behartu nahi dute lan baldintzak hobetzeko negoziaziora, eta xede horrekin eskatu dute zentrorako hitzarmen propioa ere. Gotzon Mardarats Amazoneko langileak eman digu grebaren eta aldarrikapenen berri; eta Gabonen atarian mezu bat bidali nahi izan du: kontsumo eredua birplanteatzearen beharra.