Gizartea

All Stories

Europako Batzordera eraman dute Arabako Mahastiak izendapenaren proiektua

Europako Batzordera bidali du Espainiako Nekazaritza Ministerioak Arabako Errioxako ABRAko upategi txikiek sustatutako zigilu berriaren proiektua.
Zentzu horretan, ABRA elkarteak Eusko Jaurlaritzari babes nazionala eskatu dio bere ardoak etiketa berriaren pean merkaturatu ahal izateko, Europako Batzordearen erantzunaren zain dauden bitartean.

Emakumearen Lasterketa Gasteizera itzuliko da ekainaren 5ean

Gasteizko hiriburua arrosaz jantziko da Emakumearen Lasterketaren edizio berri batekin. Kirola, elkartasuna eta aldarrikapena uztartzen dituen jaiak, elkartasunari eutsiko dio aurten ere Minbiziaren Aurkako Elkarteari dohaintza bat eginez eta emakumeak babesteaz arduratzen diren fundazioei laguntza ekonomikoa emanez.
Lasterketa ondoren, ekainaren 5ean ordubete baino gehiagoko iraupena duen fitnesseko eta aerobikeko jaialdia egingo da. Ekainaren 4an Iradier Arenan parte-hartzaileek hitzordua hartzeko aukera izango dute goizeko 10:00etatik gaueko 20:00rak arte.

Zaloa Aldatz: 'Bizkaiko euskaltzaleen auzolanarekin aterako da aurrera aurtengo Ibilaldia'

Ibilaldia, Bizkaiko ikastolen jai handia bueltan da bi urteren osteko geldialdiaren ondoren. Igandean ospatuko da Abusuko Ikastolak antolatuta. Hirugarren aldia da ikastola horrek antolatzen duena Ibilaldia. Zaloa Aldatz Abusuko Ikastolako zuzendariak azaldu du "erronka handia" izan dela.

'Erro, harri, har' lelopean ospatuko da aurtengoa; "Errotik euskara zabaltzeko" lanean ari direlako egunero eta "harria bezain gogor jarduteko asmoz" daudelako eta "harrera ikastola" izan nahi dutelako, Aldatzen hitzetan.

Jaietan emakumeen aurkako indarkeria prebenitzeko gidaliburua aurkeztu da

Bi urteko pandemiaren ondoren eta uda honetan jaiak bueltatzearekin batera, “Jaietan emakumeen aurkako indarkeria matxista prebenitzeko tokiko prozesuak sustatzeko Gida” aurkeztu da Lakuan. Berdintasun, Justizia eta Gizarte Politiketako Sailak banatuko du gida hau, Emakundek, foru-aldundiek eta EUDELek bultzatutako Beldur Barik programaren esparruan egina dago. Udalen artean banatuko da eta jaietan emakumeen aurkako eraso matxistak prebenitzeko herrietan egiten ari diren lana indartzea du xede, berdintasuna eta errespetua ardatz direlarik.

Donostiako kaleak euskararen aldeko aldarriz bete dira

'Euskara Aurrera' lelopean Donostiako kaleak bete dituzte maiatzaren 21ean milaka euskaltzalek hizkuntza politika berriak eta egiturazko neurriak eskatuz. Ilusioa eta inflexioa. Euskaraz bizitzeko nahia eta etorkizuna euskaraz irudikatzeko eskubidea aldarrikatu dute. “Gazteek agertu duten determinazioak katea ez dela eten erakusten duelako. Ez dakit gaurko hau historikoa den baina euskararen historian argazki hau gorde beharko dugu” azpimarratu du Paul Bilbao Euskalgintzaren Kontseiluko idazkari nagusiak.

Frantziako Gobernua hegaztien gripeari aurre egiteko bi txerto posible probatzen ari da

Azken hilabeteetan Ipar Euskal Herrian horrenbeste hegazti-hiltzea eragin duen gripeari aurre egiteko, Frantziako Gobernua bi txerto posible esperimentatzen ari da. Bien bitartean, hegaztien kanpoko hazkuntza babesteko kolektibo bat sortu dute Ipar Euskal Herrian, eta adierazi dute “zentzugabea” dela etxalde txikietan industria handietan betearazten diren neurri berberak betearaztea.

Pirinioetako glaziarren erdia baino gehiago desagertu dira azken 40 urteetan

Klima larrialdiaren erdian Pirinioetako glaziarren erdia baino gehiago desagertu dira, eta 20 baino ez dira geratzen "oreka egoera delikatuan". Bestalde, Munduko Meteorologia Erakundearen azken txostenaren datuek erakusten dute lau adierazlek markak hautsi zituztela iaz, eta horiek ondorio kaltegarriak eta iraunkorrak eragingo dituztela ekosistemetan eta garapen jasangarrian.

Espetxe-politikan aldaketak aldarrikatzeko elkarretaratzea egin du gehiengo sindikalak

LAB, ELA, UGT, ESK, STEILAS, CGT, CNT, EHNE, HIRU eta ETXALDE sindikatuoe hileroko mobilizazioa egin dute Bilbon, espetxe-politikan aldaketak aldarrikatzeko. Euskal presoak Euskal Herrira hurbiltzea, gradu-aldaketak eta legeria arruntean jasotako espetxe-onurak lortzea, gaixotasun larriak edo sendaezinak dituzten pertsonak espetxetik ateratzea, kartzeletik ateratzen direnak lan mundura bueltatzea edo legeria berrikustea zigorren salbuespeneko luzatzea saihesteko dira egin dituzten aldarriak.
hamaika telebista

11 laguntzaile

Image