Gizartea

All Stories

Gurpil gainean 13 egun eta 700 km baino gehiago, pentsio duin, justu eta nahikoen alde

Pentsio publiko duin, justu eta nahikoen eskaria gurpil gainean iritsiko da datozen egunetan udalerri eta eskualdeetara, pentsiodunen bizikleta martxarekin. Helburua, herritarrengan kontzientzia sortzea eta pertsona guztientzako bizi-baldintza duinak lortzea dela azaldu dute. Hego Euskal Herria 13 egunez zeharkatuko dute 700 km baino gehiago eginez.

Ekainaren 13an abiatu zuten ibilaldia Alderdi Ederretik. Donostia, Lasarte-Oria, Usurbil, Orio, Zarautz, Getaria, Zumaia eta Zestoa zeharkatu dituzte lehenengo egunean. Azpeitia, Ondarroara, eta, Zornotza eta Plentziatik igaroko den ibilbidearen ondoren, ekainaren 17an iritsiko da Bilbora. Gasteizera hilaren 19an iritsiko da eta Iruñera 21ean. Handik Berara eta Baionara egingo dute, ekainaren 23an. Irundik igarota, ekainaren 25ean Donostiara itzuliko dira. Eguerdian manifestazioa egingo dute bertatik.

Lorea Flores: 'Antartida bezalako lurralde batera ere iritsi dira gizakiaren inpaktuak'

Munduko leku bakar bat ere ez da plastikoen kutsaduratik at gelditzen. Ozeanoetan hondakin-uharteak daude, eta itsasoen lekurik sakonenean ere plastiko arrastoak aurkitu dituzte. Orain, detektatu berri dute Antartidako elur erori berrian ere plastikoen zati txikiak badaudela, mikroplastikoak alegia. Lorea Flores Greenpeace Euskadiko koordinatzailearekin aztertu dugu ikerkuntza.

Pandemiak % 12 murriztu zituen berotegi gasen isuriak Araban, Bizkaian eta Gipuzkoan

Eusko Jaurlaritzaren eskutik, Ihobe sozietate publikoak urtero argitaratzen duen Euskal Autonomia Erkidegoko berotegi-efektuko gasen isurien azken inbentarioak beheranzko joera berresten du lurraldean. Covid-19aren pandemiak eta hortik eratorritako murrizketek beherakada handia eragin zuten Arabako, Bizkaiko eta Gipuzkoako berotegi gasen isurietan.

Donostian eraiki nahi den surf parkearen eragin negatiboaz ohartarazi dute zenbait adituk

Donostiako Udalak Antondegi mendian eraiki nahi duen surf parkearen aurka agertu dira Zoologia, Biologia, Ekologia, Ekonomia eta beste zenbait alorretako katedradun, doktore eta lizentziatu unibertsitario. 20 bat zientzialarik txosten bat sinatu dute Donostiako Antondegi muinoaren ingurumen-balioa azpimarratzeko, eta Wavegarden enpresaren olatu artifizialen proiektuak ekosistema horretan izango lukeen eragin negatiboaz ohartarazi dute.

Txus Elorza: 'Egin dezagun Euskal Herria Harrera Herria benetakoa'

Egun, 500 pertsona baino gehiagok kalean lo egiten dute. Migratzaileen kolektiboek zein harerra sareek salatu dutenez, Jaurlaritzak eta Nafarroako Gobernuak ez dute harrera eta gizarteratzen planik. Dozenaka gazte ipar-afrikarrek gaua igarotzen zuten Atxuriko kantxetan, baina Bilboko Udalak hesitu zituen. Jaurlaritzari eta Nafarroako Gobernuari eskatzen diete migratzen ari diren zein bertan geratzen direnen oinarrizko eskubideak berma ditzatela.

Elkarrizketa osorik, laster, hamaika.eus-en.

Elkarretaratzea egin dute Atxurin azken eraso matxista salatzeko

Talde feministek deituta, ‘Erasoen aurrean, autodefentsa feminista’ lelopean, elkarretaratzea egin dute Atxurin azken eraso matxista salatzeko. Bilboko Alde Zaharreko talde feministak (Kalamiak) eta Emakume Migratu Feministak-Soziosanitarioak kolektiboak deitu zuten protesta, azken egunetan ezagutu diren gertakarien harira.

Erasoa apirilaren 30ean izan bazen ere, asteartean atxilotu eta espetxeratu zuten 36 urteko gizon bat, bikotekidearen aurkako homizidio saiakera egotzita,. Ertzaintzaren arabera, gizonak su eman zion bikotekidea eta emakumearen alaba bizi ziren lokalari. Emakumea izan zen suak gehien kaltetu zuena. Bilboko Udalak atzo jakinarazi zuen herri akusazio gisa aurkeztuko duela bere burua.

hamaika telebista

11 laguntzaile

Image