Sizilian lehorreratzeko baimena jaso du 'Aita Mari'k. Egunak eman dituzten lehorreratzeko portu seguru baten bila, eta, azkenean, ostegunean goizean porturatuko dira Augusta portuan. Izaskun Arriaran Aita Mariko erizainarekin hitz egin du Hamaika Telebistak.

2021eko azaroaren 25ean, indarkeria matxistaren aurkako nazioarteko egunean, Santurtziko parkeko tokoi batean plaka bat jartzea erabaki zuen mugimendu feministak. Parkea oroimenerako leku bihurtu zen, errepikatu ez dadin inoiz borrokatzeari utziko ez diotenen sinbolo. Baina aste batzuen ondoren plaka desagertu zen.

Desarpenenaren zein komunikaziorik eta azalpenik ezaren aurrean, udaleko berdintasun-zerbitzuari bilera bat eskatu zioten mugimen feministako kideek. Bilera horretan esan zieten plaka Obra eta Zerbitzuen arloan zegoela, eta handik irtetean berreskura zezaketela. Hala ere, plaka berreskuratzera joan zirenean, ez zegoen bertan. Salatu dutenez, gero, udalak plaka zegoen tokia hesitu zuen indarkeria matxistaren biktimak omentzea eragozteko.

Egoerak baretzera egin du Nafarroan. Galipentzu, San Martin Unx eta Uxue inguruari eragiten dion sutea egonkortze fasean dago. Erreniegan eta Esako urtegiaren inguruan piztutako suteak ere egonkortze fasean daude. A21 autobidea zabaldu berri dute. Tafalla eta Zangotza artean eta Erreniegan, suaren edo berau itzaltzeko lanen ondorioz.

Galipentzu inguruan "ahaleginik handienak" egiten ari dira; Erreniegako sua, berriz, aktibo dago, baina gutxi gorabehera bideratuta dagoela adierazi du Nafarroako Gobernuak. Nahiz eta egoerak pixkanaka hoberantz egin zuhurtzia eskatu dute.