Image

Gizartea

All Stories

Tapiak onartu du Zubietako erraustegiak ez duela Jaurlaritzaren kutsaduraren araudia betetzen

Duela aste batzuk Gipuzkoako Kontsortzioak ziurtatu zuen Zubietako erraustegiak Jaurlaritzaren kutsaduraren araudia betetzen duela, baina asteartean Tapiak kontrakoa esan zuen Legebiltzarrean. Aitortu zuen erraustegiak ez duela sistema automatikorik partikulen kontzentrazioa onartutakoaren gainetik denean labeari hondakinak jaurtitzen segi dezala eragozteko, GuraSOSek salatu zuen bezala.

Tapiak azaldu zuen bertako langile baten esku geratzen dela isuri horien maila kontrolatu eta gelditzea. 2020ko ekainean, Jaurlaritzako Ingurumen Sailak erraustegiari ingurumen baimena ematea adostu zuen. Horri buruz galdetzerakoan, Arantxa Tapiak esan du orduko hartan “baimen hori arau guztiak beteta” eman zitzaiola erraustegiari.

Kanpezuko Arrea jatetxeak bere lehenengo Michelin izarra eskuratu du

Edorta Lamo sukaldariak hunkituta jaso zuen jaka eta bere senideei eta familiari eskertu zien egindako guztia. “Al fuego” jatetxea ireki zuen Donostian, eta bere ibilbide ospetsua bertan hasi zuen. Ondoren, Kanpezura bueltatu zen, jaioterrira, eta Arrea Jatetxea martxan jarri zuen. Lehenengo Michelin izarra jaso du eta oraingoan Araban jaso duen jatetxe bakarra da.

Itxita jarraitzen du Donostiako Pasealeku Berriak denboraleagatik

Nahiz eta eguraldiak hobera egingo duen, haizea zakar ari da eta olatuek 2-3 metroko altuera gainditu dezakete. Kurssaal atzeko espaloiak ere itxi egin dituzte.

Donostiako Udalak astelehenean itxi zuen Pasealeku Berria, oinezkoentzat zein ibilgailuentzat, kostaldea astintzen ari den olatu handiak direla eta.

Edorta Lamo sukaldariaren Kanpezuko Arrea! jatetxeak bere lehenengo Michelin izarra eskuratu du

Edorta Lamo sukaldari arabarrak bere lehenengo Michelin saria eskuratu du. Elena Arzaken eskutik jaso du saria. Aitari eta aitona-amonei, arrebari, seme-alabei, emazteari eta lantaldeari eskaini die. Sukaldaria Gasteizko Michelin lantegiko txapelarekin atera da eszenatoki gainera “aupa Araba!” oihukatuz.

Michelin izarraz gain, Michelin Izar Berdea ere jaso du, sukaldaritza jasangarriari eskainia.

Autonomia erreala bermatuz, hezkuntza inklusibo eta euskaldunaren alde egitea eskatu du Ikastolen Elkarteak

113 ikastoletako ordezkari elkartu dira Donostian, Araba, Bizkai eta Gipuzkoarako garatzen ari den Hezkuntza Lege berriaren eta Euskal Hezkuntza Zerbitzu Publikoaren inguruan egin dituzten hausnarketak plazaratzeko. Etorkizuneko euskal hezkuntza sistemaren erronkak azpimarratu dituzte, Euskal Hezkuntza Sistema propiorako bidean, eredu berri bat aldarrikatuz.

Tren sozialaren aldeko plataformek AHT baino eragin txikiagoa ekarriko lukeen tren ibilbidearen proiektua aurkeztu dute

Arabako, Nafarroako eta Burgoseko Tren Publiko eta Sozial baten Aldeko Plataformek Abiadura Handiko Trenerako alternatiba eskaini dute, eragin txikiagoa eta 2.000 milioi euroko aurrezpena ekarriko lukeen trenaren proiektua aurkeztuta. AHTren proiektua 4.328 milioi euroko kostua izanen luke, tren sozialaren alternatibak baino 1.954 milioi euro gehiago.

Proiektuaren behin betiko txostena ezagutarazi dute astearte honetan Iruñean eta Gasteizen eginiko agerraldietan. Proiektuaren sustatzaileek azaldu dute 50 geltoki lotuko lituzkeela beren planteamenduak, eta AHTarenak, berriz, bost hiri soilik.

Sustatzaileen arabera, proiektuak zenbait abantaila ditu: haien aukerak inbertsio txikiagoa eskatzen duela, ibilbide berri bat eraikitzeak baino ondorio gutxiago dituela ingurumenean, lehenago jartzen ahalko dela martxan eta mantentze kostuak apalagoak izanen direla.

Donostiako Atotxako behin-behineko geltokia datorren astelehenean jarriko da martxan

Geltoki zaharra itxita mantenduko da eta nasetara Tabakalera ondoko plazatik sartuko da. Iñaki Arriola Garraio sailburuak nabarmendu duenez, behin-behineko geltokia martxan jartzeak aukera emango du jatorrizko geltokiaren eraikinaren eremuan eta gaur egun zerbitzuan dauden trenbide eta nasetan jardutea eskatzen duten obren eraikuntza-fase hauek garatzeko.

hamaika telebista

11 laguntzaile

Image