Politika

All Stories

Baionako auzitegia okupatu ondoren, Bakegileek ekainaren 11n mobilizatzeko deia egin dute

Maiatzaren 20an hogeita bost bat bake ekintzailek Baionako auzitegia okupatu dute. Baionako Auzitegiaren sartzea oztopatu dute, bata besteari hodi batzuen bidez lotuz. Frantziako Polizia bertaratu da; auzitegiaren barrenean zein kanpoaldean izan dira poliziak zenbait orduz, eta, azkenean, banan-banan aritu dira protestan zirenei tiraka, ateratzeko. Bortizki jardun dute, baina ez dute inor zauritu. Kanporatze operazioa bukatuta, ekainaren 11ko manifestazioan parte hartzera deitu dute.

Jakes Esnal eta Ion Kepa Parot euskal presoen askatasun eskaeren aurka Frantziako terrorismoaren kontrako fiskaltzak hartutako jarrera salatu nahi izan dute ekintzaren bidez. "Desobedientzia ekintza hau Ion Kepa Paroten eta Jakes Esnalen audientzien ondotik heldu da, berriz ere topo egin baitugu terrorismoaren kontrako fiskaltzaren jarrera oso erasokor batekin. Fiskaltzen jokamoldea salatzeko egin dugu ekintza hau, zinezko oztopoa baitira presoen etxeratzeko bidean, eta, bereziki Esnal eta Parot askatzearen bidean" adierazi dute.

Eneko Andueza: 'Energia berriztagarrien aldeko apustu argia egin behar dugu'

Eneko Andueza PSE-EEren idazkari nagusiarekin bat egin dugu larunbatean antolatu zituzten "Crecer mejor. Hazkunde eredu berria" jardunaldiek emandakoa azaltzeko. Trantsizio ekologikorako bidean, garapen jasangarria goraipatu du gako gisa. Ekonomiak dituen erronken aurrean, Europatik etorritako Next Generation funtsen garrantzia azpimarratu du; horiek proiektu "estrategikoetara" bideratuko direlako.

Eredu ekonomiko “jasangarria, berritzailea eta inklusiboa” eraiki nahi du PSE-EEk

PSE-EEk industria eta ekologiaren inguruan egin duen jardunaldian adierazi du sozialistek trantsizio energetikoaren eta ingurumenaren aldeko apustuan ez dutela onartuko "ez aitzakiarik ez atzerapenik". Eredu ekonomiko “jasangarria, berritzailea eta inklusiboa” eraiki nahi dute Araban, Bizkaian eta GIpuzkoan.

Harrera Elkartea: 'Espetxean gradu garapena izateko enplegurako aukerak egon behar dira'

Presoei behin espetxetik aterata laguntza eskaitzen dion elkartea da Harrera Elkartea; kartzela ostekoak errazteko eta egokitzapen horretan babesa emateko erreferentea; dagoeneko hamar urteko ibilbidea duena. Besteak beste, tramite administratiboekin edo osasun arazoekin laguntzen dute eta bestelako baliabideak ere eskaintzen dizkiete presoei itzulera arintzeko. Jon Ugarte Harrera Elkarteko kidearekin izan gara aurretik dituzten erronkei buruz aritzeko.

Inkomunikazioan oinarritutako zigor guztien baliogabetzea eskatu du Sarek

Sarek uste du Xabier Atristainen auziko epaiak ondorio bakarra behar lukeela; "defentsarako eskubiderik gabe, ezin da zigorrik egon". Beraz, inkomunikazio aldian defentsarik gabe eskuratutako frogetan oinarritutako zigor guztiak baliogabekotzat jo behar liratekeela defendatu du: "Asko dira Xabier Atristainen egoera berean Auzitegi Nazionalak epaitu eta zigortu dituen euskal presoak". "Barne-auzitegiek, Auzitegi Nazionalak eta Auzitegi Gorenak irtenbide juridiko egokia eman behar diete kasu horiei guztiei, egoera hau jasan duten pertsonak ez daitezen Giza Eskubideen Europako Auzitegira jotzera behartuta egongo", aldarrikatu du Sarek.

'Atristain bidea' antzeko beste kasuetara zabaltzeko lanean ari da Etxerat

Batzar nazionala ospatu du Etxeratek Durangon. Atristain auziak zabalduriko bideari erreparatzen ari dira Etxerateko abokatuak, "neurri bera antzeko egoeran dauden preso guztiei" ezartzeko esperantzan. Euskal presoei aplikatzen zaien salbuespenezko politikarekin amaitzeak mahai gainean jarraitzen du.

Xabier Atristanen auzian Espainiako Gobernuak jarritako helegitea atzera bota zuen Giza Eskubideen Europako Auzitegiak duela astebete.
hamaika telebista

11 laguntzaile

Image