Zortzi pertsona atxilotu ditu azken bi egunetan uztailaren 7an Iruñeko Kuria kalean San Fermin eguneko prozesioan "udalbatzari eraso egitea" egotzita. Egunotan, Espainiako Polizi etxea aurrean elkarretaratzeak egin dituzte atxilotuekiko elkartasuna erakusteko. Atxiloketak ez dira agindu judizial baten bidez egin; hau da, Iruñeko Udaltzaingoak eta Espainiako Poliziak egin ditu.

Salbuespen politikarekin amaitzeko, abuztuaren 7an hondartzetako martxak antolatu ditu Etxeratek. Hamabost giza kate egingo dituzte Bizkaiko, Gipuzkoako eta Lapurdiko kostaldean. 'Salbuespen politikari stop. Etxean eta bizirik nahi ditugu' izango da aurtengo leloa.

Bakioko mobilizazioa 12:30ean abiatuko da, eta 13:00etan Mundakakoa eta Eakoa. Gainerako giza kate guztiak 12:00etan hasiko dira.

Sortuk eta Africa United Nafarroa elkarteak migrazio politika “ankerrak” salatzeko ekimena egin dute Irun eta Hendaia lotzen dituen Santiago Zubian. Horrekin batera, Bidasoa ibaia gurutzatzen hil diren bederatzi lagunak ere izan dituzte gogoan.

Pirinioak gurutzatu duen argi-lerro erraldoi bat osatu dute milaka eta milaka katalan eta euskal herritarrek larunbatean. Euskal Herriko eta Kataluniako entitate sozialek elkarlanean antolatutako lehen mobilizazio herritarra izan da Pirinioetako Bidea. Gure Esku, ANC Assemblea Nacional Catalana, Omnium Cultural, Artistes per la República eta FEEC Federació d'Entitats Excursionistes de Catalunyak sustatu dute ekimena.

Pirinioetako Bidearen antolatzaileek argi utzi nahi izan dute ekintza “lorpen izugarria” izan bada ere, bidea urratzen jarraitu beharko dutela partekatzen dituzten helburuak erdietsi arte: “Gure herrien borondate demokratikoa errespetatzea exijitzen dugu”.

Asteburuan Melillan gertatutakoaren erantzukizuna bere gain inondik ere hartu gabe, Espainiako Gobernuak hildako 37 migratzaileei buruz adierazitakoa defendatu du gaur Fernando Grande-Marlaska Barne ministroak, Espainiako Kongresuan. Pedro Sanchezek 'Cadena Ser' irratian esan duenez, adierazpenak emandakoan ez zituen ikusita gertatukoaren irudiak.

EH Bilduk eta Espainiako Gobernuak La Cumbre jauregia eta Ezkaba memoria gune izatea adostu ostean, Mertxe Aizpurua koalizioa subiranistako bozeramaileak adierazpenak egin ditu La Cumbreren atarian bertan, Joxi Lasaren anai-arrebak (Asun eta Miguel Mari) eta Juan Karlos Izagirre ondoan zituela.