Image

Politika

All Stories

EH Bilduk jarrera eraikitzailea izango du hurrengo erreformetan, baina eskubideak babestuz

Espainiako Kongresuan hainbat lege eta erreforma zuzemenen egoera aztertzeko, hala nola, Mozal Legea, Memoria Historikoaren Legea edota Pentsioen Erreforma, agerraldia egin du EH Bilduk. Eta koalizioak nabarmendu du jarrera eraikitzailea izango duela, baina euskal herritarren eskubideak eta ongizatea babestuz.

Karmele Aierberi azken agurra eman diote Ataunen

Ehunka lagun hurbildu dira Ataungo San Gregorio auzoko pilotalekura Karmele Aierberi azken agurra emateko. “Eskerrik asko herriari emandakoagatik”, herriari emandakoa itzuli dio herriak Aierberi. Bere leialtasuna, eskuzabaltasuna konpromisoa eta euskararen alde egindako lan guztia eskertu eta ibilbide politikoan emandako urratsak ekarri diztute gogora. Omenaldian hitza hartu dute besteak beste, Joseba Alvarez, Martin Aramendi, Arnaldo Otegi edota Juan Karlos Ioldi.

Terrorismoaren Biktimen Oroimenerako Zentroa ireki dute Gasteizen

Astearte honetan ireki ditu ateak ETAren Biktimen Oroimenerako memorialak. Gasteizko erdigunean eraikitako eraikina da, eta Meliton Manzanas edo Carrero Blanco bezalako ETAren biktimak ditu gogoan, baina ez ditu aintzat hartu 1976ko martxoaren 3an Zaramagako kaleetan hildako bost langileak, ezta Espainiako Estatuak eragindako indarkeriaren gainerako biktimak ere.

Imanol Arzuaga, 'Kima': 'Torturapean egindako deklarazioekin ez litzateke epaiketarik egon behar'

Iratxe Sorzabalek, gaur hasi du Auzitegi Nazionalean epaiketa. Torturapean, bere burua errunduntzat jo zuela adierazi du Sorzabalek. Imanol Arzuaga 'Kima' Iratxeren lagunak, bere babes guztia adierazi dio lagun eta gertuko guztien izenean, Iratxeren askatasuna aldarrikatuz.

Iratxe Sorzabal: 'Torturapean, nire burua errunduntzat jotzera behartu ninduten'

Iratxe Sorzabalek, gaur Auzitegi Nazionalean hasi den epaiketan, 2001eko martxoan Guardia Zibilak atxilotu eta inkomunikatu ostean jasandako torturen berri eman du. "Autoinkulpatu egin nintzen eta beste batzuk erruztatu nituen. Guardia Zibilak torturatu egin ninduen eta deklarazio horiek egitera behartu ninduen. Akusazio horiek guztiak faltsuak dira", azpimarratu du. Epaiketak bihar izango du jarraipena.

Burujabetzarako bidean herri gogoa berpituz, 300 bat gailur argiztatuko dituzte 'Pirinioetako Bidea' ekimenarekin

Euskal Herriko eta Kataluniako herri mugimenduek elkarrekin, 'Pirinioetako Bidea' ekimena antolatu dute uztailaren 2rako. Pirinioetako 300 tontorretik gora argiztatuko dituzte, “herri gogoa aktibatzea eta burujabetzarako prozesu bat abiatzea” helburu. Farol bereziak eta linternak baliatuz, argi-lerro bat osatzea da asmoa, Higer lurmuturretik Creuseraino, Atlantikotik Mediterraneoraino, Euskal Herria eta Katalunia batuz, autodeterminazio eskubidea aldarrikatzeko.

'Pirinioetako Bidea' ekimena Euskal Herriko eta Kataluniako entitate sozialek elkarlanean antolatutako lehen mobilizazio herritarra da.

“Elkarbizitzarako bakerako etxerako bidean” hausnarketa dokumentua aurkeztu du Sarek

"Elkarbizitzarako bakerako etxerako bidean" hausnarketa dokumentua aurkeztu du Sarek. Espetxe Zaintzako Epaitegi Zentralaren jarrera salatu dute. Indarrean dauden salbuespenezko praktika eta legeak ere aztertu dituzte, urruntzeaz haratago: “Salbuespen-araubidea da oraindik ere Estatuko botereen jarduera-araua”. Horrez gain, preso askok kalean edo baimenpean izan beharko litzatekeela azpimarratu dute: "Espetxe politika normalizatua aplikatu izan balitz, preso horien herenak baino gehiago beren etxeetan egongo ziratekeen gaur egun".

Izadi txikia espetxetik atera dute, amarengandik urrunduz

Urtarrilaren 23an 3 urte bete zituen Izadik eta etxepetik atera dute. Orain arte, Aranjuezko espetxean izan da bere aita eta amarekin, baina 3 urte beteta bere amarengandik urrundu dute. Izan ere, bere aita Iñigo Gutierrezek duela gutxi lortu du hirugarren gradua. Izadiren egoera salatzeko hainbat ekitaldi antolatu dituzte, tartean, asteburu honetan bat, Algortan.
hamaika telebista

11 laguntzaile

Image