Inaxio Oiarzabal Sareko bozeramaileak garrantzitsutzat jo du Autonomia kalea betetzea jendarte honek presoen egoerari "aterabidea" emateko beharra aldarrikatzen duela erakusteko. Horrez gain, adierazi du gaurko mobilizazioak erakutsi behar duela "urrunketarekin bezala, salbuespeneko legediarekin amaitzeko erabateko kontsentsua dagoela jendartean, baita arlo sindikal eta politikoan ere".
Aurten manifestazio bakar bat izango da Bilbon. Euskal presoengan eta haien familiengan hamarkada luzeetan pairatutako eskubide urraketetako bati amaiera emateko garaia da. Kaleak euskal presoei eta haien familiei eragiten dieten urraketen ondorioz giza eskubideak errespetatzeko exijentziaz betetzera dei egin dute. 17:00etan abiatuko da manifestazioa, autonomia kaletik hasi eta udaletxera arte. Goizean, ekitaldi egingo dute Euskalduna Jauregian, hainbat alderdi politiko, sindikal eta gizarte-erakunderekin . 'Etxera bidea Gertu' lemapean, bakearen, bizikidetzaren eta konponbidearen aldeko aldarriek hartuko dute Bilbo.
Hamaika Telebistak urtarrilaren 7ko manifestazioaren jarraipen berezia egingo du.
Salbuespenezko espetxe politikarekin amaitzeko garaia dela aldarrikatu dute Etxeratek eta Sarek Bilbon, San Tomas egunean. Bilbora hurbildu direnei, gabonetako mobilizazio eta ekimenetan parte hartzera dei egin diete, eta urtarrilaren 7ko eguna mugarria izango dela nabarmendu dute.
170etik gora euskal presok gutun bana jasoko dute hurrengo egunotan, Irlandatik. Urtero bezala, euskal preso guztiei Eguberri eta Urte Berrirako zoriona opa egin dieten gutunak bidali dizkiete.
