Uztailaren 23an Akizen trenbidea blokeatu zuten bederatzi herritar epaituko dituzte, ostegunean, Akizeko auzitegian. Ipar Euskal Herriko errepide sarea blokeatu zuten, Jakes Esnal eta Ion Parot euskal presoak baldintzapean aske utz zitzatela eskatzeko, eta Frantziako Gobernua gatazkaren konponbide prozesuan urratsak egitera bultzatzeko.

Zuzenbidearen ikuspuntutik bederatzi ekintzaileen aurka eginiko akusazioak deuseztatuko dituztela auzian azaldu dute, auzipetu guztien berehalako errugabetasuna aldarrikatuz.

Bakegileek bost urtetik gorako kartzela zigorra eta isunak arriskatzen dituzte. Trenbidera baimenik gabe sartzea, trenen zirkulazioa oztopatzea, eta taldean egindako lapurreta leporatzen dizkiete. Ostegunekoez gain, beste 11 epaituko dituzte otsailaren 2an, autobidea blokeatzeagatik.

Sarek hainbat mobilizazio deitu ditu Gabonetan euskal presoen eskubideak aldarrikatzeko. Lehenengo hitzorduak urtarrilaren 24an izango dira, Gasteizen eta Lizarran, eta 31n Basauriko eta Martuteneko espetxeetarako martxak daude aurreikusita.

Plataformak azaldu du euskal presoek salbuespenezko neurriak jasaten dituztela oraindik ere, eta gradu progresioei eusteko eskatu du. Izan ere, Sarek adierazi du 2022. urtea “oso garrantzitsua” izan dela urrunketa politikaren amaiera lortzeko bidean, baina oraindik ere zenbait oztopo dituztela presoek.

Sareren arabera, egun 3. graduan edota baldintzapeko askatasunean 110 bat preso egon beharko lirateke. 3. gradua emanda ere, entzutegi nazionaleko fiskaltzaren errekurtsoaren ondorioz, 6 presori 2. gradura berrezarri eta kartzelara itzuli behar izan dute.

Giza eskubideen eguna dela aitzakia hartuta, Sarek manifestazioa deitu du Durangon, “Etxerako Bidean Oztoporik Ez, Gradu Erregresiorik ez!” lelopean. 32 euskal preso 3.gradura aldatu dituzte, horietatik 9k Gradu erregresioa jasan dute. Sei dira Espainiako Auzitegi Nazionalak aurten atzera botatako gradu progresioak.

Gaur egun 14 dira espetxera bueltatzeko arriskuan dauden presoak, ANeko Fiskaltzek jarritako errekurtsoak direla eta.

Manifestazioa 17:30tan irtengo da Landakotik.

Duela 37 urte, Guardia Zibilak Mikel Zabalza atxilotu, Intxaurrondoko kuartelera eraman eta hil arte torturatu zuen. Urtero legez, Orbaitzetako Arma Olan egin da ekitaldia, bere jaioterrian. Lore eskaintza egin dute Orbaizetako Udalak, herri ekimenak eta Naparraren familiak.

Barrionuevoren adierazpenak gogoan, zigorgabetasuna salatu eta sekretupeko agirien desklasifikazioa eskatu dute.