Bartosz Rogalak, Pablo Gonzalezen auzia hasieratik hartu duen abokatu poloniarrak, elkarrizketa bat eman dio EITBri. Han berretsi du oraindik ez dutela haren kontrako auzibiderik abiarazi. Hala, gaur egun ez dago epaiketarako datarik.

Rogalaren arabera, Pablo Gonzalez “ondo” dago, haren egoera gogorra izan arren, bakarturik dagoelako eta egunero ziegatik ordubetez baino ezin delako atera.

Poloniak badu Gonzalezen atxiloaldia hiru hilabetean behin etengabe luzatzeko aukera. Esan duenez, haren auziaz arduratzen diren abokatuek badute Poloniak egiten dizkion akusazioen berri, baina ezin dute inolako informaziorik eman.

Martxoak 3 elkarteak oniritzia eman zion erakundeek urtarrilaren 26an bidalitako azken proposamenari eta Memoria Gara plataformak bat egin zuen erabakiarekin. Aste honetan, Jaurlaritzak eta Arabako Foru aldundiak parte hartzea onartu dute eta estatutuak sinatu dituzte. Martxoaren 3an Gasteizko Udalak sinatuko ditu. Gauzak horrela, Memoria Gunea nola izango den eta zer eskainiko duen erabaki behar dute hurrengo hilabeteotan.