Asier Karrerari hirugarren gradua kendu izanaren aurrean, astelehenean, Bozeramaile Batzordeak, Azkoitiko bizilagunaren egoera salatzeko adierazpena onartu du, non ebazpenen bateragarritasuna eta graduen progresioarekiko errespetua eskatzen den. Adierazpenaren alde bozkatu dute EAJ, EH BIldu eta Azkoitia Bai alderdiek.

Urritik joan zen ostiralera arte, hirugarren graduan zegoen Asier Karrera. Auzitegi Nazionaleko fiskaltzak, ordea, erabakiaren aurkako helegitea aurkeztu zuen, eta Karrerak espetxera itzuli behar izan du. Udal erakundeak azpimarratu du Karrerak bere zigorraren hiru laurdena beteko duela maiatzean eta baldintza guztiak betetzen dituela hirugarren graduan egoteko.

Azkoitiko Sarek, bestalde, Karreraren egoera salatzeko elkarretaratzea du deituta asteazkenerako; 19:00etan elkartuko dira, plazan.

Agus Hernan Foro Sozialeko kidearekin hitz egin dugu EPPKarekin egindako azken bilera hizpide. Bere esanetan, azken fase honetako beren helburua da beren ibilbidearen ibilbidea modu zabalean konpartitzea.
Hernanek azpimarratu du “sintonia handia” dagoela egindako diagnostikoetan, eta nabarmendu du lehenengo foroetan zehaztutako hamabi gomendioetatik hamaika “gauzatuta, gauzatzear edo gauzatzeko markoa definituta” daudela. Zentzu horretan, “marko erresolutibo integral” bat sortzen ari dela azpimarratu du. Hala ere, azkenaldian hainbat oztopo argitara ateratzen ari direla adierazi du, eta nabarmendu du “salbuespen politika” indargabetu egin behar dela.
Era berean, Foro Sozialeko bozeramaileak azpimarratu du “lan marko egonkorra” izan dutela fase honetan, zortzi bilera egin dituztela, eta dokumentu ugari elkartrukatu dituztela.

Udal bulegoak sortuko dira eta besteak beste sinbologia frankistak desagertzeko plana onduko da. Nafarroak duela bost urtetik du indarrean memoria historikoaren legea.

Etxeratek jakinarazi du asteazken honetan. 34 urteko iruindarra Alemanian atxilotu zuten 2017ean eta Estatu frantsesera bidali zuten, euroagindu baten bidez. Bost urteko zigorra ezarri zioten eta helegitea aurkeztu arren espetxera itzuli zuten 2020. urteko ekainean. Urte horretako urrian askatu zuten berriz, helegitearen erabakiaren zain baitzegoen, baina 2021ko urtarrilean kondena berretsi zuen Apelazio Auzitegiak eta geroztik zigorra betetzen egon da, etxean eskumuturreko elektronikoa eramanez.

Erabakitzeko eskubidea arautzeko eskaera egin du Gure Eskuk aste honetan Eusko Legebiltzarrean, eta Josu Etxaburuk azpimarratu du, alderdi politikoez harago, garrantzitsua dela jakitea euskal herritarrek zer dioten estatus politikoaz.
Etxaburuk onartu du euskal jendartea ez dagoela “momenturik onenean” gai honi buruz, baina nabarmendu du “burujabetza eza” gero eta nabarmenagoa dela gaur egungo jendartean, eta oraingo erronka dela “horri guztiari aurre egitea, tokiko erabakiak hartuz, eta burujabetza osoa bereganatuz”.