Adingabearen familiak eta lagunek mobilizatzera deitu dute udaltzainen “inpunitatearen” kontra. Justizia nahi dugu. Inpunitaterik ez! lelopean senideek asteazken honetan Gasteizen mobilizazioa egin dute. Ehunka lagun bildu ziren Andre Mari Zuriaren plaza Aimarrentzat justizia eskatzeko.

Arabako Lurralde auzitegiak Espainiako Auzitegi Gorenaren epaia jaso ondoren, iragarri zuen 10 eguneko epea zituela espetxean sartzeko; hau da, martxoaren 31ra arte. Hala ere, Alfredo De Miguel, Koldo Otxandiano, Aitor Tellería eta Xabier Sanchez Robles zigortuek asteazken honetan jaso dute jakinarazpen ofiziala. Hori dela eta, martxoaren 30ean jaso dutenez, 10 egun balioduneko epea apirilaren amaierara arte ez dira kartzelan sartuko.

Aberri Egun bateratua ospatzeko deia egin du Euskal Herria Batera plataformak. Estitxu Garai plataformako kidearen esanetan, “herri moduan aurrera egiteko, ezinbestekoa da erronka batzuei modu bateratuan heltzea”. Hori horrela, dio horrelako egun sinbolikoek “lotura emozionala” sortzen dutela, eta horrek “orubea” jartzen duela etorkizunean ere “herri izaten” jarraitzeko.
‘Badugu, bagara’ lelopean ospatuko dute Aberri Eguna. “Herri bat eta komunitate bat bagarelako, eta izaten jarraitu nahi dugulako”. Era berean, Garaik azpimarratu du beren asmoa dela “baldintzak” jartzen segitzea urtez urte modu bateratuan ospatu ahal izateko Aberri Eguna Euskal Herri osoan.
Hori horrela, Aberri Egunaren bezperan, apirilaren 8an, ekitaldi bat egingo dute Miramar jauregian, eta ordezkaritza zabalak hartuko du parte. Horrez gain, hurrengo egunerako, apirilaren 9rako, “keinu bat batera” egiteko deia egin die herritarrei.,