Skip to main content

Agus Hernan, Foro Soziala: “Sintonia handia dago egungo diagnostikoetan”

Politika

Agus Hernan Foro Sozialeko kidearekin hitz egin dugu EPPKarekin egindako azken bilera hizpide. Bere esanetan, azken fase honetako beren helburua da beren ibilbidearen ibilbidea modu zabalean konpartitzea.
Hernanek azpimarratu du “sintonia handia” dagoela egindako diagnostikoetan, eta nabarmendu du lehenengo foroetan zehaztutako hamabi gomendioetatik hamaika “gauzatuta, gauzatzear edo gauzatzeko markoa definituta” daudela. Zentzu horretan, “marko erresolutibo integral” bat sortzen ari dela azpimarratu du. Hala ere, azkenaldian hainbat oztopo argitara ateratzen ari direla adierazi du, eta nabarmendu du “salbuespen politika” indargabetu egin behar dela.
Era berean, Foro Sozialeko bozeramaileak azpimarratu du “lan marko egonkorra” izan dutela fase honetan, zortzi bilera egin dituztela, eta dokumentu ugari elkartrukatu dituztela.