Skip to main content

Asier Karrera presoaren gradu aldaketa salatzeko adierazpena onartu du Azkoitiako udalbatzak

Politika

Asier Karrerari hirugarren gradua kendu izanaren aurrean, astelehenean, Bozeramaile Batzordeak, Azkoitiko bizilagunaren egoera salatzeko adierazpena onartu du, non ebazpenen bateragarritasuna eta graduen progresioarekiko errespetua eskatzen den. Adierazpenaren alde bozkatu dute EAJ, EH BIldu eta Azkoitia Bai alderdiek.

Urritik joan zen ostiralera arte, hirugarren graduan zegoen Asier Karrera. Auzitegi Nazionaleko fiskaltzak, ordea, erabakiaren aurkako helegitea aurkeztu zuen, eta Karrerak espetxera itzuli behar izan du. Udal erakundeak azpimarratu du Karrerak bere zigorraren hiru laurdena beteko duela maiatzean eta baldintza guztiak betetzen dituela hirugarren graduan egoteko.

Azkoitiko Sarek, bestalde, Karreraren egoera salatzeko elkarretaratzea du deituta asteazkenerako; 19:00etan elkartuko dira, plazan.