Egiari Zorrek Santi Brouard eta Josu Muguruza gogoratu ditu Bilbon. 38 eta 33 urte bete dira hil zituztenetik.

Edurne Brouard eta Ane Muguruza izan dira krabelin gorriak uzten lehenengoak; Santi Brouarden eta Josu Muguruzaren alabak. Ekitaldian azpimarratu dute, Santi eta Josu ez direla Estatuaren ez lehen ez azken biktimak izan. Egiari Zorrek adierazi du Espainiako Gobernuarekin lotutako talde armatuek min, sufrimentu eta zigorgabetasun arratso luzea utzi zutela Euskal Herrian. Berebat, erantzukizun politikoak aitortzea eskatu dute.