Image

Ekonomia

All Stories

Pepsikoko langileek zuzendaritzak iragarritako kaleratzeak salatu dituzte

Zuzendaritzak iragarri zuen 37 kaleratze Arabako lantegietan eta Pepsicoko langileak bildu dira kaleratze horien aurka. Plantilak, enpresako batzordearen gehiengo babesarekin, Etxebarri- Ibiñako lantegia aurren bildu dira eta asteburuan Gasteizen elkarretaratzea egin dute Andra Maria Zuriaren plazan.

Arabako kontratu berrien % 81 industria sektorekoak dira

Araba lurralde industriala da eta horrek izugarrizko eragina du bertako ekonomian. Izan ere, Eustat-en datuen arabera, barne-produktu gordinaren (BPG) %31, 5 industrian ekoizten da. Hala ere, enpresen arabera, kontratatzeko arazoak dituzte, besteak beste, espezializazio eta esperientzia gabeziagatik.

Ulmak eta Oronak Mondragon korporazioa uztea erabaki dute

2.800 bazkideetatik %80,52k egin dute irtetearen alde, Illunben egindako batzarrean. Duela bi hilabete iragarri zuten korporazioa uzteko asmoa. Korporazioak Ulma eta Orona taldean geratzearen alde egin du hasieratik.

Orain, korporazioarekin aurrerantzean zer harreman izan nahi duten erabaki beharko dute.

CCOOk Industria Ituna indarrean jartzea exigitu dio Madrilgo Gobernuari

Espainiako Estatutako Industria Itunaren alde, CCOO sindikatuak 50.000 sinadura aurkeztu dizkio Madrilgo Gobernuari gaur goizean. Bitartean, gainera, protestak egin dituzte Espainiako Gobernuko hainbat delegaritzetan, eta Euskal Herrian, Gasteizen eta Iruñean elkartu dira. Izan ere, sindikatuak exigitzen dio Sanchezen Gobernuari indarrean jartzea Industria Ministerioak hitzemandako industriaren aldeko ituna.

Gasteizko Udaletxeko 2023ko aurrekontuak ahalbidetu ditu Elkarrekin alderdiak

Gasteizko Udaletxeko aurrekontuak onartuko dira Elkarrekin Podemos alderdiaren abstentzioari esker. Laugarren urtez. 2023rako aurrekontu akordio erdietsu du EAJ-PSEk Elkarrekin taldearekin. Besteak beste, etxebizitza politikarekin, klima ekintzarekin eta haurreskolen doakotasunarekin lotutako 30 zezenketa baino gehiago onartu dituzte. Oscar Ferndandez, Elkarrekin Podemos alderdiaren ordezkaria.

CEOEk harremanak hautsi ditu Madrilgo Lan Ministerioarekin

CEOEk harremanak hautsi ditu Madrilgo Lan Ministerioarekin. Izan ere, patronalaren ustez, lan erreformari traizio egiten dio PSOEk, Unidas Podemosek eta EH Bilduk adostutako neurria. Izan ere, koalizioak Madrilgo Gobernuarekin elkar hartu zuen Lan Ikuskaritzari enplegua erregulatzeko espedienteak geratzeko ahalmena ematea. Hala, legea onartuz gero, Lan Ikuskaritzak derrigorrez ebatzi beharko du egoera egokia den edo ez enplegua erregulatzeko espedienteak baimentzeko.

Bizkaiko metalgintzan akordiorik ez, baina bi aldeek konpromisoa hartu dute eskaintza berriak aurkezteko

Astebeteko grebaren ostean, asteazken honetan negoziazio bilera izan dute, FVEM eta ELA, LAB, CCOO, eta UGT sindikatuek, hala ere, ez dute akordiorik lortu bi aldeek.

Hala eta guztiz ere, gehiengo sindikalak abenduaren 21erako beste bilera batera behartu du patronala, eta proposamen berri bat egiteko konpromisoa hartu dute sindikatuek, “negoziatzailea izaten jarraituko duena”.

Horregatik, sindikatuek grebaren eta mobilizazioaren alde egiten jarraitzen dute, ELAren ustez, greba mugagabea deitzeko garaia iritsi da.

hamaika telebista

11 laguntzaile

Image