Greba egun gehiago Bizkaiko adinekoen egoitzetan. LABek deituta, gaurtik ostilarera bitartean lanuztea dute, eta horrez gain, hiru eguneko itxialdia egingo dute Bilboko Atxuri auzoko Gizakundearen elizan. Langileak sektore publikoekin parekatzea eta ratio duinak eskatuko dituzte. Era berean, adinekoen egoitzen egoera larriaz ohartarazi dute.

Berriro bilduko dira arratsaldeko lehen orduan FVEM eta ELA, LAB, CCOO eta UGT sindikatuak. Lan hitzarmena negoziatzen ari dira, eta pixkanaka bi aldeen jarrerak hurbildu arren, momentuz, ez dute akordiorik lortu. Sindikatuek dagoeneko hamaika greba egunetara deitu dituzte sektoreko beharginak, eta euren arabera, lanuzteek ohiartzun zabala izan dute. Astebeko grebaren ostean, gaur negoziazio bilera dute. Batzarrean eskaintzak alderatuko dituzte, eta sindikatuak euren aldetik adierazi dutenez, negoziatzeko prest daude.

LAB sindikatuak bi greba egun deitu ditu abenduaren 22rako eta 23rako Amazon Trapagarango zentroan, enpresaren "gelditasuna" dela eta. Joan den azaroaren 28an beste greba egun bat izan zuten, 20.000 pakete banatzea eragotzi zuena. LABek kritikatu du Amazonek ez ziela jaramonik egin langileei, eta "ez zela gai izan irtenbide bat bilatzeko".

Sindikatuak astearte honetan igorritako ohar batean salatu duenez, Amazonen sortzailea, Jeff Bezos, historiako gizonik aberatsena da “langile klasearen esplotazioari esker".

Horrela, sindikatuak adierazi duenez, "Amazonek bere irabaziak lan baldintzen, gizartearen eta gure planetaren gainetik jartzen ditu". Hori dela eta, euskal gizarteari "bat egiteko" eskatu dio, "Amazonek ingurumenean duen eraginagatik ordain dezan eta zergak hemen ordain ditzan".

Txina izango da berriztagarrien hazkunde handiena izango duena. Jarraian, India, Europa eta AEBak izango dira hazkunde handia izango duten inguruak.

Enpresa alemaniarrak Gasteizko plantan furgoneta elektriko berria fabrikatuko dela iragarri du. Gasteizen, Mercedes enpresak V klase, EQV, eta (e)Vito furgoneta ertainak egiten dira. Era berean, astelehen honetan ere iragarri du Polonian planta bat irekiko dutela.