Hautsak harrotu ditu ‘Non dago Mikel?’ film dokumentalak; hainbat hamarkadatan zehar Espainiako Estatuan torturaren praktika sistematikoa izan dela eztabaidagai nagusia izan da azken astean zehar.
Politika
All Stories
45 urte betetzen dira gaur Martxoaren 3ko sarraskiaz geroztik. Oraindik ere egia, justizia eta erreparazio eske jarraitzen dute biktimek eta haien gertukoek. Gaur hainbat lore eskaintza, omenaldiak eta manifestazioa egin dira biktimak oroitu eta gertatutakoa salatzeko.
Nafarroako Gobernuak 1936ko kolpe militarraren ondoren erbesteratutako 1.000 pertsona nafar baino gehiagoren errolda eta Pirinioetan jarduten zuten gorputz militarren dokumentu-funtsen azterketa aurkeztu du. Erbesteratutakoen zerrenda ikusgai dago Nafarroako Bake eta Elkarbizitzarako institutuaren webgunean.
Besteak beste, Ehun mugimenduak "baliabide publikoak esku pribatuetara pasatzea" kritikatu du.
"45 urteren ondoren, ez dugu justiziarik lortu", hori esan dute Martxoak 3 elkarteko kideek eskaini dute prentsaurrekoan. Horrez gain, hilketa horien erantzuleak ezin direla epaitu kritikatu dute.
Espainiako beste 16 erakunderekin batera Sarek eta Etxerat-ek salatu dute Espainiako espetxeek ia hilabete daramatela blindatuta eta komunikazio eta lekualdatze guztiak bertan behera utzi dituztela. Horrek presoen eta haien ingurukoen eskubideen aurkako benetako erasoa suposatzen duela adierazi dute. Presoen eskubideak orain dela urtebete alarma egoera ezarri zenetik urratzen direla gaineratu dute. Harrezkero, itxiera perimetralak egon dira, bertan behera utzi dituzte familiako komunikazioak eta bisitak mintzalekuan egin behar izan dituzte.
"Zuk uste Intxaurrondon hil zaiela?" galdetzen dio Luis Alberto Perote CESIDeko koronel ohiak Pedro Gómez Nieto Guardia Zibilari. "Bai, nik uste galdeketan..." erantzuten dio Guardia Zibilak. Mikel Zabalzari buruz ari dira biak, eta Intxaurrondoko kuartelean torturatua izaten ari zen bitartean hil zela onartzen du Gómez Nieto Guardia Zibilak. Bihar aurkeztekoa den "Non dago Mikel" dokumentalerako ikerketa lanetan ari zirela lortutako grabaketa da gaur publiko egin dena.
Pablo Haselekiko elkartasuna adierazteko, manifestazioa deitu dute gaur arratsaldean Iruñean. Protesta Gaztelu plazan zenean, istiluak piztu dira Sarasate pasealeku inguruan eta hortik alde zaharrean eta auzoetan barna hedatu dira.
Eskuin muturreko alderdiko 20 bat kidek migratzaileen aurkako protesta bat egin dute Urruñan. Hainbat eragile antifaxistak, ordea, kontra-manifestaziora deitu zuten haiei aurre egiteko, eta istiluak izan dira Frantziako Poliziarekin. Bien bitartean, Ipar eta Hego Euskal Herriaren arteko muga pasatzeko, etorkinek izugarrizko arazoak dituztela salatu du Irungo Harrera Sareak.
- Intsumisioaren artxiboarekin, "memoriaren eraikuntzan eredu" izan nahi du Nafarroak
- Larunbatean 40 urte bete ziren Joxe Arregi torturatu eta hil zutenetik
- Iruñeko U12ko ekimenagatik auzipetutako gazteek aste honetan deklaratu dute
- Gaur amaitu da U12ko ekintzaren aurkako auziaren deklarazio fasea
- U12ko ekintzarengatik epaitutakoek bihar izango dute azkeneko deklarazio eguna
- Egiari Zor elkarteak torturaren biktimak aitortzeko eskatuko du Joxe Arregiren heriotzaren 40. urteurrenean
