Skip to main content
Gurean Gaur Korrika: Jende uholdea Bizkaian

2017-04-06

Gaua Gipuzkoan egin ondoren, kostako bidea hartuta milaka Bizkaian sartu da Korrika. Euskararen aldeko lasterketa erraldoiak irudi ederrak utzi dizkigu Ondarroa edo Gernikan, besteak beste. Zuzenean jarraitu dugu eta platoan Zuriñe Yarriturekin batera, Mikel Martinez eta Irati Agirreazkuenaga izan ditugu... eta baita zuzenean antzeztera animatu ere!

Julen Kaltzadarekin solasean, zoro zoragarrietako bat

2017-04-05

Korrika Donostiara heldu da, Tolosaldeko, Hernanialdeko edo Oarsoaldeko hainbat herri zeharkatu ondoren. Santiagoko zubian, euskalgintza eta instituzioetako ordezkariek mugarik gabeko hizkuntza eta herria irudikatu zuten. Gauez, aldiz, Juan Gorritik edo Gorka Urbizuk eraman zuten testigua. Zuzeneko saio berezian, Zuriñe Yarrituren eskutik, Patxi Gaztelumendi kazetaria eta Julen Kaltzada, Korrika sortu zuen zoro zoragarrietako bat izan genituen.

Gorka Urbizu -Berrri Txarrak- Korrika 20 lekukoa hartuta.

2017-04-04

Goizean, Lekunberrira bidean, Madozen, hartu du lekukoa Gorka Urbizuk.
Aupa Berri Txarrak!!!

Gorriti: "Eraman gaitzak -Korrika- hazten ari den euskararen oihanera!"

2017-04-04

Korrika 20 Juan Gorritiren etxe atarira heldu da goizaldean. Artista nafarrak, lekukoaren egileak, olerkia eskaini dio Korrikari:

"Behar batetik hazi bat sortu. Handik zuhaitza atera. Araizko gure lekuko haiz hi, gure lurraren hizkeran, hainbat urtetan korri eta korri, berriz heldu haiz etxera. Baina hi ez haiz gelditzekoa eta segi zak aurrera, eraman gaitzak, hazten ari den, oihanaren, euskararen oihanera!"

Infinituaren urdinean dagoen Remigio Mendibururi maitasunez, ni, hemen, Juan Gorriti.

 
bannerra

bannerra