Skip to main content
bannerra

Albisteak

10 urte eta gero Bilboko Konpartsak Gran Vian izango dira berriro ere

2014-01-21

10 urte eta gero Bilboko Konpartsetako aratusteetako desfilea Gran Via kalean egingo da. Ohar bidez jakinarazi dute berria  Bilboko Konpartsek. Atzoko Batzorde Mistoan adostu zuten desfilea aipatutako kaletik egingo zutela, eta alderdi politiko guztiek euren aldeko bozka eman zuten PPk izan ezik. Bilboko Konpartsek berriaren aurrean euren poza azaldu zuten.

2013an behera egin dute EAEko turismo datuek

2014-01-21

Eustat Euskal Estatistika Institutuak emandako datuen arabera 2013. urtea ez da ona izan Euskal Autonomia Erkidegoko turismoarentzat. Bidaiarien sarrerak eta gaualdiak %2,1 eta %3,1 jaitsi dira hurrenez hurren 2012. urtearekin alderatuta. Lurraldeka, Gipuzkoak bakarrik izan ditu datu positiboak.

INCOESAko langileek era aktiboan parte hartzeko eskatu diote Jaurlaritzari

2014-01-20

Incoesako langileek 238. eguna bete dute gaur greba mugagabean, enpresak ekoizpena deslokalizatu eta langileak Soria eta Extremadurara lekualdatzeko hartu zuen erabakiaren kontra. Bai enpresari zein konkurtsoko administratzaileari Bediako lan zentroa mantentzeko exijitu die langileek, hau bideragarria dela argudiatu ondoren. Halaber, Eusko Jaurlaritzari gatazkaren konponbidearen gakoa izatera pasatzeko eskatu die

Nerabezaroari begira hasi da Zinegoak jaialdia

2014-01-20

Gaur bertan hasi da Arriaga Antzokian Zinegoak Lesbo-gay-trans tematikadun filmak erakusten dituen nazioarteko zinemaldia eta hilaren 26a bitarte izango dugu gurean. Guztira 85 izango dira zinemaldiak erakutsiko dituen lanak, hauetako bost euskaldunak. Aurten haurtzaroari eta nerabezaroari begiratuko dioete bereziki Zinegoaken eta ohorezko saria Bok o Bok, San Petersburgeko jaialdiari emango diote.

Osakidetzak hurrengo 7 urteetarako ibilbide orria aurkeztu du

2014-01-17

Eusko Jaurlaritzak 2013-2020 Osasun Plana aurkeztu du, Osakidetzak hurrengo zazpi urteetan jarraituko duen 'ibilbide orria'. Jon Darpon Osasun sailburuak aurreratu duenez, planaren helburu nagusiak edadetuen arreta eta minbiziaren prebentzioa izango dira. Bestalde, Darponek nabarmendu du Eusko Jaurlaritza ordainketa partekatuaren kontra dagoela. Bere esanetan, Osakidetzak «aldaketak behar ditu», baina farmaziako produktuak modu partekatuan ordaintzeak «ez du ez lagunduko, ez sistema konponduko».

Haurrek danborrak berotu dituzte egun handirako

2014-01-17

Donostia eguna iristear, haur danborradako konpainia guztiek bat egin dute Victoria Eugenia antzokian. Hainbat abesti jo eta kantatzearekin batera, pailazoez, bertsolariez, musikaz eta gehiago gozatu dute. Irrika azaldu dute guztiek zita garrantzitsurako.

 
bannerra

bannerra