Skip to main content

Gurean Gaur

Mugak egitasmoaren bigarren edizioak Ulm-eko eskola izango du ardatz

2019-07-03
Mugak, Euskadiko Nazioarteko Arkitektura Bienalaren bigarren edizioak, Ulm eskola izango du ardatz. Aurreko edizioaren arrakastaren ondoren, Mugak egitasmoaren bigarren edizioaren helburua da Europa mailako arkitekturaren alorreko erreferente eta EAEko kultur ekimen garrantzitsuenetako bat bihurtzea, Iñaki Arriola Ingurumen, Lurralde Plangintza eta Etxebizitza sailburuaren esanetan. Aurtengo erakusketa bi egoitza nagusitan ikusi ahal izango da: Euskadiko Arkitektura Institutuan eta San Telmo Museoan. Bertan, Ulm-eko Eskolak gaur egungo industria-diseinuan izan duen eragina ikusteko aukera izango da hainbat piezaren bitartez, sailburuak azaldu duenez. Urriaren 10etik abenduaren 12ra arte ehun jarduera baino gehiago antolatu dituzte; gehienak Donostian izango dira baina aurtengo edizioan Bilbon eta Gasteizen ere hainbat ekintza egingo dituztela azaldu dute antolatzaileek. Urriaren 21etik 27ra izango da Bienalaren aste garrantzitsuena, eta ekintza gehienak aste horretarako antolatuko dituzte. Oraindik, ordea, ez dute programazioa guztiz itxi, eta antolatzaileek herritarrei beren kolaborazioak bidaltzeko deia egin diete.
Euskal Herriko hainbat kolektibok EHUk militarismoarekin dituen loturak salatu dituzte

2019-07-03
Getarian egingo den Horizonte Elkano ekimenaren harira egin dute elkarretaratzea. Izan ere, erakusketa estropadan parte hartuko du EHUko El Saltillo itsasontziak eta baita Armadaren eskola ontzia den Juan Sebastián Elcanok ere. Adierazi dute, ez dela lehen aldia kolaborazio mota hauek egiten dituena. EHUko langileek azaldu dute unibertsitatearen lana gizartearen beharrizanei eta baloreei erantzutea dela. Horregatik, ezin dela onartu kolaboraziorik beste herri batzuen suntsiketa bultzatzen duten elkarteekin. Nabarmendu dute Armadaren alboan ekintza hau egiteak euskal kostaldean itsasontzi militarren presentzia normalizatzen duela. Ekintza honetatik harago, unibertsitate ereduaren inguruan eztabaidatzeko beharra azpimarratu dute.
Nafarroako Gobernuak itunpeko egoitzen hitzarmena sinatu du

2019-07-03
Gaurko Gobernu batzarrean, kontseilariek hiru neurri nagusi adostu dituzte: Eskola Mapa berria, Magnesitas enpresari diru laguntza eta egoitzetako diru laguntzen antolaketa berria.
"Inun baino alaiago" izango dira Hertzainaken zalean Euskalduna Jauregian

2019-07-03
Josu Zabala eta Gari Hertzainak talde mitikoko kideek bi kontzertu eskainiko dituzte irailan Bilboko Euskalduna Jauregian. Irailaren 26an emango zutenari bigarren data gehitu diote 25an sarrerak salgai jarri eta gutxira bukatu direlako lehenengo emanaldikoak. Musikariek iragarri dutenez, ordu eta erdiko kontzertua izango da eta taldearen ibilbidea osoa errapasatuko dute, kantuei irakurketa berri bat eskainita.
Alizia Iribarren izango da AEK-ko koordinatzaile nagusi berria

2019-07-02
Nafarrak, Mertxe Mugikaren kargua hartuko du urriaren 1etik aurrera. 1976an Elizondo jaioa, azken urteetan Erriberako AEK-ko arduraduna izan da Iribarren. Bestalde, hedabideen artean zabaldutako mezuan, Mugikak "poza" azaldu du azken urteetan egindako lanarekin eta gogoan izan du 2017ko Korrikan euskalgintzako zein instituzioetako ordezkariek egindako kilometroa. Etorkizunera begira, "elkarlana" giltzarritzat jo du.
NBA-ko agente libreen merkatua, hankaz gora

2019-07-02
Adituek diotenez, agian historiako kontraturik gabeko jokalarien merkatu onena izan litzateke, izarrez gainezka dagoena. Talde askok jada mugimenduak egin badituzte ere, tartean Kevin Durant eta Kyrie Irvin Brooklynekin sinatuz edo, nahiz eta agente librea ez den Anthony Davis LeBron James-en Lakersekin sinatuz, oraindik helmuga zehatzik ez duten jokalariak ere badaude. Hala ere, udako galdera hurrengoa izaten jarraitzen du: zer egingo du Kawhi Leonard NBA-ko irabazleak?
 
bannerra

bannerra