Skip to main content
bannerra

Gurean Gaur

Aita Mari erreskaterako itsasontzia Libiako uretara joateko prest

2019-01-16
Aita Mari izena duen erreskate itsasontzia Pasaiako portuan dago Libiako uretara ateratzeko prest. Maydayterraneo proiektuak arrantzarako erabiltzen zen itsasontzi bat eraberritu zuen eta erreskaterako itsasontzi bihurtu. Luzea egin da tramitazio lanak baina azken erantzuna falta zaie. Behin itsasoratzeko baimena dutenean abiatuko dira mediterraneoko itsasoetara erreskate lanetara.
Famila bat etxe gabe geratu ondoren kritikak jaso ditu Barakaldoko Udalak

2019-01-16
Barakaldoko familia bat kalean geratu da alokairuan zuten etxearen jabeak kontratua ez berritzea erabaki eta beste aukera bat topatu ezinean egon ostean. Langabezian daude 59 urteko emakumea eta 32 urteko bere semea eta martxotik zuen udalak bere egoera larriaren berri. Berri-Otxoak elkarteak salatu du udalak irtenbide aproposik eman ez izana eta oposizioak etxebizitza parke publiko baten beharra nabarmendu du, alokairuen bataz besteko prezioa 700 euro inguruan egonda, prekarietateak jota dauden familiek ez baitute merkatu librera sartzerik.
Manifestazio jendetsu batek eman dio hasiera Kristau Eskolako langileek deituta duten zortzi eguneko grebari

2019-01-16
Manifestazio jendetsu batek eman dio hasiera Kristau Eskolako langileek deituta duten zortzi eguneko grebari. Antolatzaileen datuen arabera %65eko jarraipena eduki du lehen greba egunak eta 5000 lagun irten dira kalera Bilbon egindako manifestazioan. 2009tik ez da sektoreko hitzarmena berritu eta sindikatuek langileen eros ahalmena galtzea eta euren lan baldintzen txartzea salatzen dituzte.
Feroz zinema sariak, aurreneko aldiz Bilbon

2019-01-16
Urtarrilaren 19an, Feroz Sarien seigarren edizioa egingo dute Miribillako Bilbao Arenan. Bertan, Berriemale Zinematografikoen Elkarteak, espainiar Estatuko filma eta serierik onenak sarituko ditu. 2800 sarrerak agortu dira eta Juan Mari Aburtok azaldu duenez, “Bilbo, zinearen industriaren kokaleku eta metropoli” bilakatzeko urratsa da.
Yolanda Barcinak CANen desagerpenean erantzule izan zela ukatu du

2019-01-16
Yolanda Barcina hiru urteren bueltan Nafarroako Parlamentuan izan da. CANeko, Nafarroako Kutxako, ikerketa batzordeak deitua deklaratu du. Barcinak bere errugabetasuna adierazi du behin eta berriz kutxaren kudeaketa eta desagerpenaren inguruan.
Iruñeko Udalak 2019ko kirol kanpaina aurkeztu du

2019-01-16
Iruñeko Udalak 2019ko kirol kanpaina aurkeztu du. Aurtengoan kirola egitea sustatzeaz gain, Udalak eskaintzen dituen baliabideak ezagutzera emateko lana egingo da. 2018an inbertsioak 5,4 milioi ingurukoak izan ziren kirol arloan. 84.000 erabiltzaile baino gehiagok baliatu zituzten iazkoan Udal kirol azpiegiturak sarrera edota bazkidetza bitartez.
 
bannerra

bannerra