Skip to main content

Gurean Gaur

36ko golpe faxistaren 12 biktima omentzeko galtzada-harriak jarri dituzte Iruñean

2019-06-14
Nafarroako fusilatuen senideen elkartearen ekimena izan da, eta dagoeneko 120 plaka jarri dituzte. Galtzada-harrietan Frankismoaren biktimen izen abizenak, jaiotze datak, erailak izan ziren tokiak eta datak jarri dituzte, eta biktimen etxeen atarian ezarri dituzte.
Frida Kahlo artistaren ahotsa izan daitekeena topatu du Mexikoko Fonotekak

2019-06-14
Alejandra Fustra Mexikoko Kultur Ministrak adierazi du balitekeela artistaren ahotsa izatea, guztiz konfirmatu ez den arren. Frida Kahlo-k bere senarrari, Diego Rivera muralistari, idatzitako testu bat irakurtzen du audioan. 200 obra baino gehiago sortu zituen, autoerretrautak gehienak, baina bere ahotsa misterio bat izan da, dirudienez, orain arte.
3500 lagun elkartuko dira Munduko Arrozak ekimenaren hamaseigarren edizioan

2019-06-14
Urtero, gero eta gehiago dira San Frantzisko auzoko Mariaren Bihotza plazan elkartzen diren herritarrak. Integrazioaren alde eta arrazakeriaren aurka, egun osoan zehar, hainbat iniziatiba burutuko dituzte. Euren artean, dantza zein musika emanaldiak eta kalejira aldarrikatzailea. Igandean, ekimenak Otxarkoagara lekualdatuko da eta udan zehar Durangon, Getxon edo Irunen ospatuko dute baita.
Skolae programarengatik deklaratzera deitutakoen aldeko elkarretaratzea egin dute

2019-06-14
“Berdintasuna ez da hautazkoa” lelopean kontzentrazioa egin dute SKOLAE dela eta deklarazioa eman behar izan duten 10 pertsonak babesteko. Atzokoan iragarri zen berdintasunaren aldeko eskola programak, UNESCOren izendapena jaso duela, haurren nazioarteko hezkuntza programen artean onenaren saria jasotzeko.
Nazioarteko 12 banda, Amorebieta-Etxanoko 'Haizetara' jaialdian

2019-06-14
Beste urte batez, "Haizetara" jaialdiak nazioarteko fanfarreak, bandak eta kaleko musikariak bilduko ditu Amorebieta-Etxanon. XIV. edizioa izango den honetan, bederatzi bandek hartuko dute parte, 10.000 euroko saria duen lehiaketan. Instrumentista onenari 1.000 euroko saria emango zaio ,eta, Amorebieta-Etxanora gerturatzen den publikoak, beraien bozkekin, 4.000 euroko saria banatuko du. Benin, Erresuma Batua, Katalunia, Euskal Herria edo Espainiatik etorriko dira bandak, estilo eta nortasun ezberdinekoak. Asteburua biribiltzeko ekintza osagarriak ere egongo dira: jam sessionak, swing dantzak, musika tailerra, "Katxarrismos" erakusketa etb. Gainera antolakuntzak tabernak, sagardotegia eta garagardotegia jarri ditu gerturatzen direnek tartetxo bat hartu dezten kontzertuen artean.
12 galtzada-harri berri jarri dituzte frankismoaren biktimen memoriarako

2019-06-13
Galtzada-harri berriak jarri dituzte Iruñean 36ko golpe faxistaren 12 biktima omentzeko. Nafarroako Fusilatuen Senitartekoen elkartearen ekimena izan zen atzokoa. Dagoeneko 120 plaka jarri dituzte. Galtzada-harriek frankismoaren biktimen izen abizenak, jaiotze data, erailak izan ziren tokia eta data biltzen dituzte, hauek bizi ziren etxeen atarian, kalean.
 
bannerra

bannerra