Skip to main content

Gurean Gaur

Realak lanari ekin dio Zubietan

2019-07-08
26 jokalari elkartu dira Imanolen aginduetara, euren artean talde txuri-urdineko fitxaketa berriak: Alexander Isak, Alex Remiro, Cristian Portugués "Portu", Modibo Sagnan eta Martin Odegaard. Eurekin batera, Aihen Muñoz, Alex Sola, Ander Guevara eta Robin LeNormand aritu dira. Asier Illarramendi kapitainak Europa begiz jota dutela adierazi du. Hamaika Telebistak GARAko kazetari Joseba Iturriaren analisia jaso du.
Euskal Selekzioak Barakaldo Hiria txapelketa irabazi du finalean Espainia gaindituta

2019-07-08
Euskaldunek partida hasieratik bukaerara dominatu zuten eta markagailuan 16 puntuko errenta (62-46) eskuratu zuten. Cristina Molinuevo, Gracia Alonso, Itziar Ariztimuño eta Naiara Diez izan ziren jokalaririk aipagarrienak. Euskal Selekzioak Barakaldo Hiria txapelketa irabazten duen aurreneko aldia da.
Greziako hauteskunde legeari esker lortu du gehiengo osoa Nea Demokratia alderdiak

2019-07-08
Bozen %40a baino gutxiago ekuratu du Nea Demokratia alderdiak, %39,85 zehatz esateko. Hala ere, gehiengo osoa izango du parlamentu greziarrean, 158 ordezkarirekin. Siryzak, berriz, aurreko legegintzaldian baino 59 ordezkari gutxiago izango ditu legealdi honetan, bozka kopuruan 4 puntuko jaitsiera bakarrik izan duen arren.
German Rodriguez gogoan izan dute Iruñean

2019-07-08
Haren hilketaren 41. Urteurrenean, arduradunen zigorgabetasuna salatu dute. San Fermines 78 Gogoan plataformak auzia Iruñea eta Argentinako epaitegietara eramatearekin batera, “Martin Villa epaitu” ekimena abiarazi duela jakinarazi du.
Nea Demokratia alderdi kontserbadorea izan da lehen indarra Grezian

2019-07-08
Sorpresarik ez da izan Grezian igande honetan izandako hauteskundeetan. Nea Demokratia alderdi kontserbadorea izan da lehen indarra, bozen ia %40a eskuratuta. Bigarren indarra azken lau urteak boterean eman dituen Siryza alderdia izan da, bozen %31,6 bereganatuta. Abstentzioa %44koa izan da.
Lan arloko borrokak biderkatu egin dira LABen ekintza sindikaleko txostenaren arabera

2019-07-08
Ikasturte honetako ekintza sindikalen balorazioa egin du LAB sindikatuak. Lan arloko borrokak areagotu egin dira greba presentzia nabarmenarekin, txostenak jaso duenez. Lan Harremanen Kontseiluaren datuen arabera, EAEn 2018an grebak %11 igo ziren eta 2019ko lehen hiru hilabeteetan %19.
 
bannerra

bannerra