Skip to main content

Gurean Gaur

Euskararen lekukoa eramango duen furgoneta barrutik ezagutzen

2019-04-01
21.korrika ate joka den honetan, Hamaika telebista furgonetaren muntaiara joan da eta bertan urte luzez antolakuntzaren parte den Maturekin. Korrika barru aldetik nola bizi den azaldu du. Korrikaren lan taldea handi da eta denak bolondres moduan arituko dira lanean apirilaren 4tik 10ra. Korrikak egiten dituen kilometro guzti horiek jasoak egongo dira argazki formatuan korrika.eus-en eta bideo formatuan hamaika.eus-en.
Parlamentu Britainiarrak atzera bota du hirugarrenez Brexiterako akordioa

2019-03-29
Ezta hirugarrenean ere. Parlamentu Britainiarrak atzera bota du, hirugarren aldiz, Theresa May lehen ministroak Europar Batasunarekin Brexita gauzatzeko lortutako akordioa. Hasiera batean gaur irten behar zuen Britainia Handiak Europar Batasunetik. Bruselak Apirilaren 12ra arteko epea eman zion ordea Erresuma Batuari plan hori onartu eta maiatzaren 22an akordioaren araberako Brexit eroso bat gauzatu ahal izateko. Esan bezala ordea, parlamentuak plan hori hirugarrenez baztertu ondoren, inoiz baino gertuago egon liteke akordiorik gabeko Brexit.
Belaunaldien arteko sormen topaketak antolatu dituzte EHUk eta IMQk

2019-03-29
EHUko arte ederretako ikasleek eta IMQ Igurco Unbe zentroko adineko egoiliarrek bat egin dute bi erakundeek bultzatutako proiektuaren baitan. Horren bidez, belaunaldien arteko sormen topaketak antolatzen ari dira zentro soziosanitarioan zein Leioako Arte Ederren fakultatean. Egoiliarren bizi kalitatea hobetzen du arteak eta ikasleek euren gaitasunak garatzen dituzte topaketetan.
Bilbao Arte Sakratua (BAS) jaialdia ospatuko da apirilean “Egurra eta soka” izenburupean

2019-03-29
15.edizio honetan nazioarteko ospea duten tradizio handiko taldeak egongo dira. Bilboko Korala, She´Koyokh, La Grande Chapelle, Singer Pur eta Conductus Ensemble dira aurtengo programazioan egongo diren taldeak. Antolatzaileek adierazi dute familia osoari zabaldu nahi diotela egitaraua eta horren parte da Claroscvro antzerki konpainiaren Perdida en el Bosco ikuskizuna. Aurten arte sakratuarekin edo musika barrokoarekin erlazionatutako kontzertu edo espektakuluetatik harago doa jaialdia. Bilbao 700 fundazioak antolatu duen egitarauan esperientzia izango da garrantzitsua. Fundaziotik azaldu dutenez, kontzertu eta ekitaldietan parte hartzaileekin interakzioa bultzatu nahi izan dute esperientzia eta sentsazio positiboen bitartez. Apirilaren 9tik 16ra bitartean ospatuko da jaialdia Atxuriko Gizakunde Elizan.
Asironek, Belokik eta Abaurreak errepikatuko dute EH Bilduren Iruñeko hautagaitzan

2019-03-28
Euskal Herria Bildu buru-belarri dabil Udal eta Foru hauteskundeetako hautagai zerrendak aurkezten. Atzokoan Iruñerrian hainbat hautagaitza aurkeztu ziren, haien artean hiriburuko zerrenda.
Bel Pozueta: "Lantalde sendo baten babesa dut eta argi hitz egingo dut Madrilen"

2019-03-29
Bel Pozueta izango da EH Bilduko Nafarroako zerrendaburua estatuko Kongresurako apirileko hauteskundeetan. Bere eguneroko bizitza uztartzen du, eskolaz-eskola heziketa programa bateko hizlari gisa, hauteskundeetako kanpainako kontuekin. Orain arte ere, Altsasu Gurasoak plataformako bozeramaile izan da eta argi dauka ama den aldetik, taldeko bileretan parte hartzen jarraituko duela, beti ere hau politikoki baldintzatu gabe ere.
 
bannerra

bannerra