Skip to main content
bannerra

Azken bideoak: Saioak

bideoa prestatzen
Iruñeko aurrekontuak ez onartzea erabaki du Aranzadik

2019-01-11
Iruñeko Udaletxeko 2019ko aurrekontuak bertan behera gelditu dira, Aranzadik abstentzioa eman ostean. Egoeraren aurrean kezkatuta agertu da Iruñeko Alkatea, Joseba Asiron, eta gogor kritikatu du Aranzadiren jarrera. Aldi berean Udal Gobernuak proiektuak ahalik eta era duinenean betetzen saiatuko dela azpimarratu du.
bideoa prestatzen
Athletic Clubek Ibai Gomez aurkeztu du

2019-01-11
Ibai Gomez santutxuarra aurkeztu du gaur goizean Athletic Clubek San Mamesen. Hegaleko jokalaria Alaves utzi eta bere etxea izan zenera itzuli da 2022 urtera arte eta etete-klausularik gabeko kontratua sinatuta.
bideoa prestatzen
Huerta de Peraltako langileekiko elkartasun eguna ospatu da Iruñean

2019-01-11
Huerta de Peraltako grebalariekiko elkartasun eguna ospatu da gaur Iruñean. Ekimenak izandako atximenduen artean Andaluziako Langileen Sindikatuarena, SAT, egon da. Gaurko jardunaldia langile borrokarako aldarrikapena zabaltzeko balio izan du. Langileek adierazi dute, enpresak konponbidea eskaini ezean ez dutela greba utziko.
bideoa prestatzen
Zeanurin aurkitutako bost milizianoen gorpuzkiak beren familiei emateko memoria ekitaldia egin da Bilbon

2019-01-11
Iñigo Urkullu izan da entrega ekitaldiaren buru. Bost milizianoen gorpuzkiak lurpetik atera ziren Altun mendian (Zeanurin) 2017ko azaroan. Pedro San Millan Beitiaren gorpuzkiak bilatzen ari zirela. Lepoko zenbakidun plakari esker identifikatu zen. Lanak hasita, gerra lubakia izan zen hartan beste lau gorpu aurkitu ziren, beste identifikazio plaka birekin eta egunerokotasunean erabiltzen zituzten beste tresna batzuekin batera.
bideoa prestatzen
Gure ahotsak kontzertuaren presentazioa egin dute Victoria Eugenian

2019-01-11
Gure Ahotsak kontzertua ikusteko aukera izango da martxoaren 7an Victoria Eugenia antzokian gaueko 20:00tan. Sara Mansilla, Olatz Salvador, Izaro Andres eta Elena Setien musikariak izango dira kontzertuko protagonistak. Gaur aurkeztu dute Emakumeen Nazioarteko Egunaren harira propio antolatu duten kontzertua. Ekitaldiak keinu zuzena egiten dio martxoak 8ari, mugarri izan zirelako iazko mobilizazioak eta horri jarraipena eman nahi izan dio Donostiako Udalak. Lehen aldiz egingo da aurten Gure ahotsak, emakume musikariak ikusgarri egiteko helburua duen kontzertu hau. Egun berezi zein garrantzitsua izango dela adierazi dute parte hartuko duten protagonistek.
bideoa prestatzen
Sindikatuek Arcelor Mittal-eko aldi baterako erregulazio espedientea lau urtez luzatzea salatu dute

2019-01-11
LAB, CSI, CGT eta ESK sindikatuek agerraldi bateratua egin dute Bilbon Arcelor Mittalek aldi baterako enplegu erregulazioa 2022. urtera arte luzatuko duela salatzeko. 2009tik datorren erregulazioa lau urte gehiagoz luzatuko dela komunikatu die burdingintzako multinazionalak. Sindikatuen aburuz, langileekiko gehiegikeria eta iruzurra 13 urtez luzatuko da. Sindikatuek esan dute aldi baterako erregulazio espedientea salbuespenerako neurria beharko lukeela izan, kaleratzeak ekiditeko eta enplegua sostengatzeko norabidean. Gehitu dute, enpresak milioi askotako mozkinak ateratzeko, truke txanpon bezala erabiltzen dituela langileak, eta kaleratuen kopuruak beldurgarriak direla. Beste sindikatuei ere kritika gogorrak leporatu dizkiete, batuzk enpresaren morroi izateagatik eta besteak batasun sindikaletik kanpo egoteagatik.