Skip to main content

Azken bideoak: Saioak

bideoaren irudia
Sagardoa zerbitzatzea erraztuko duen kortxo eskantziadorea aurkeztu dute

2014-06-03

Astigarragako Petritegi, Irungo Ola eta Zeraingo Oiharte sagardotegiek sagardoa zerbitzatzea erraztuko duen kortxo eskantziadorea aurkeztu dute. Tapoi berriarekin kontsumitzaileari sagardoa ondo zerbitzatzeko modua jarri nahi izan diote.

bideoaren irudia
Lau pertsona atxilotu eta beste sei deklaratzera deitu ditu Guardia Zibilak Oiartzunen

2014-06-03

Espainiako Barne Ministerioak nabarmendu duenez, atxilotuek martxoaren 9an Xabier Lopez Peña eta Arkaitz Bellon presoak zirenak omendu zituzten Aritxulegiko basoan, haritz bana landatu eta bien izen-abizenak jarrita. ETAko kideak gurtzeko leku bat sortu izana egotzita atxilotu dituzte laurak, 06:45ean. Xabier Iragorri, Joakin Izagirre, Ramon Gaztelumendi eta Erramun Sagarzazu izan dira atxilotuak, eta beste sei lagun deklaratzera deitu dituzte.

bideoaren irudia
Erregearen abdikazioak ukazioa ordezkatzen duela salatu du EH Bilduk

2014-06-03

Espainiako erregeare abdikazioaren bidez, haustura demokratikoa eragozteko saiakera baten aurrean gaudela salatu du EH Bilduk. Garai erabakiorra izan beharko litzatekeela oraingoa azpimarratu du koalizioak, aro baten amaiera ekarriko lukeena. Eta horregatik, EH Bilduk dei egin die indar politiko guztiei Euskal Herriaren aitortzaren eta erabakitze eskubidearen hautua egiteko.

bideoaren irudia
Gune plataformaren ustez opor fiskalen isuna enpresek ordaindu beharko dituzte

2014-06-03

Europar Batasuneko Justizia Auzitegiak opor fiskalak kasuren harira  jarritako 30 miloi euroko isuna handia eta oso larria da Gune Plataformaren ustez. Horrelako neurriak ez dute batere argi usten enpresak eta inbertsioak erakartzeko balio dutenik. Antzeko praktikak Europa guztian zehar hedatu dira, ondorioz etekinak dituzten enpresek gastu publikora egiten duten ekarpena asko mehetzen da.

bideoaren irudia
Langabeziak behera egin du maiatzean Hego Euskal Herrian

2014-06-03

Apirilean baino 4.800 behargin gutxiago zeuden maiatza amaieran lanik gabe. Nafarroan jaitsi da gehien kopurua. Halaber, Gizarte Segurantzan izena emandakoen kopuruak gora egin du.

 

bideoaren irudia
Kulturgintza sendotzeko premiazko neurrien egitasmoa du xede GEUK ekimenak

2014-06-02

Guk Geure Kulturaz ekimenaren bultzatzaileek, kultur sistema osatzen duten eragile guztiak deitu dituzte, premiazko neurrien egitasmoa osatzeko. Kulturak bizi duen egoera larriak kezkatuta bildu ziren otsailean 150 lagun testuinguruaren azterketa egiteko. Gogoeta horien ondorio den txostena prest dago, eta honetatik abiatuko da ekainaren 12ko topaketa. Asmoa, euskal kulturgintza sendotuko duen neurri sorta osatzea da, ondoren, erakunde publikoetan aurkezteko