Skip to main content
bannerra

Azken bideoak: Udala

bideoa prestatzen
Iruñeko aurrekontuak ez onartzea erabaki du Aranzadik

2019-01-11
Iruñeko Udaletxeko 2019ko aurrekontuak bertan behera gelditu dira, Aranzadik abstentzioa eman ostean. Egoeraren aurrean kezkatuta agertu da Iruñeko Alkatea, Joseba Asiron, eta gogor kritikatu du Aranzadiren jarrera. Aldi berean Udal Gobernuak proiektuak ahalik eta era duinenean betetzen saiatuko dela azpimarratu du.
bideoa prestatzen
Aranzadik Iruñeko aurrekontuak onartzeko baldintzak jarri ditu

2019-01-08
Izquierda Ezkerrak Iruñeko aurrekontuak onartzea erabaki du, eta Aranzadik bere aldetik, hori gerta dadin, ezinbestekotzat jo du Unzu merkatal guneko turismo kontzesioa bertan behera uztea. Armando Cuencak salatu du udal gobernuak ez duela hiriaren alde egiten.
bideoa prestatzen
Etxebizitza eskubidearen aldeko mozioak aurkeztuko ditu Kaleratzeak Stopek udaletan

2018-10-31

Araba, Bizkai eta Gipuzkoako etxe kaleratzeen aurkako plataformek mozioak aurkezteko kanpaina abiatu dute, NBEren etxebizitzen inguruko irizpena bete dadin. Horrez gain, Kaleratzeak Stop plataformak eskatu du praktikan jar dezatela Eusko Jaurlaritzak, Eudelek eta Botere Judizialeko Kontseilu Nagusiak 2013an sinatutako akordioa.

NBEren erabaki hori 2017ko ekainaren 20koa da, eta zehazten du arrazoizko neurri guztiak hartu behar direla, balia daitekeen gehiengoa, etxebizitzarako eskubidea bermatzeko, bereziki, bazterketa arriskuan daudenen edo seme alaba adingabeak dituztenen kasuan. Jaurlaritzaren, Eudelen eta Botere Judizialeko Kontseilu Nagusiaren arteko akordioak, berriz, familien kanporatzeen aurrean gizarte neurriak hartzeko konpromisoa jasotzen du. Plataformako ordezkarien ustez, akordioak hedabideetan oihartzuna eduki badu ere, ez duelako ondorio onuragarririk eragin.

Kaleratzeen aurkako plataformek Donostian egindako agerraldian parte hartu dute EH Bilduko, Elkarrekin Podemoseko, Ezker Anitzako eta Irabaziko eta sindikatuetako ordezkariek ere. Eta emandako datuen artean, nabarmendu dute 2017an, 1.196 etxe kaleratze egin zirela EAEn, horietako %75 alokairuan zeudenenak. Egoera hori premia larrikoa dela zehaztu dute, eta erakunde publikoek esku hartzea ezinbestekoa dela.

Horrez gain, Etxebidek eskaintzen duen alokairu soziala ere ez dela nahikoa salatu dute, horren beharra duten 62.000 familiaren eskaerak daudelako eginda Eusko Jaurlaritzan. Hargatik, mozioen bidez, udalei eskatuko diete alokairu publikoaren eskaintza areagotu dezatela, hutsik dauden etxeei kanon bat kobra diezaietela eta eta beharrean daudenei aterpe egonkorra berma diezaietela.

bideoa prestatzen
Indarkeria sistema denean

2018-10-04
Sistema judiazialean eta politika publikoetan indarkeria sexistaren aurrean hartzen diren neurriak analizatu dituzte Mila Amurrio, Alba Fatuarte, Naia Torrealdai eta Garbiñe Biurrunenek.
bideoa prestatzen
Hernaniko gobernantza alternatiboa ezagutu dute Europa hegoaldeko eta Latinoamerikako hainbat lagunek

2018-10-04

Europako hegoaldeko eta Lati¬noamerikako eragileen bisita izan dute Hernanin. Ekonomia herrikoi baterako alternatiben inguruko nazioarteko ikastaro batera etorri baitira Euskal Herrira, hainbat herrialdetako ordezkariak. REAS Euskadik, EHUko Parte Hartuz Ikerketa Taldeak eta Paz con Dignidad OMAL elkarteek di¬na-mizatutako ikastaroaren barnean kokatu da Hernaniko bisita, bertan abian dauden proiektuak ezagutzeko.

Hernaniko Udalean harrera egin diete, hasteko, eta udalgintzan abian dituzten programez azalpenak eman dizkiete. Luis Intxauspe alkatearen hitzetan, hori delako ekonomia eredu sozial eta eraldatzailea, herritarren beharrak asetzeko antolaketa eredua.

Hernaniko kasuan, ahalegina egiten ari dira udalaren gobernantza ereduan gizartearen beharrak modu integralean kontuan hartzeko eta partaidetza sustatzeko.

Nazioarteko ikastarora Uruguaitik etorritako Daniela Osoriori interesgarrai iruditu zaio gobernantza eredu horrekiko apustua. Uruguaiko Unibertsitateko irakaslea da bera. Erronka gisa ikusten ditu Hernaniko Udalak sustatutako partaidetza, baita instituzioen eta gizarte mugimenduen arteko harremana ere.

Udaletxeko harreraren ondoren, Iturola gunea bisitatzeko aukera izan dute nazioarteko ikastaroko partaideek. Intxauspe alkatearen hitzetan, ekonomia sozial eraldatzailerako formazioa eskaintzeko gunea da, baina baita elkarlanerako komunitatea ere.

Andoni Egia Tokiko Ga¬rapenerako teknikariaren arabera, berriz, Iturolan sustatzen diren proiektuek sortzen duten balioa eskualdeko ehun sozialera bideratzea gunearen funtzioa, besteak beste.Funtsean, gobernantzarako eta kudeaketarako eredu alternatiboak badaudela erakusteko baliatu du Hernaniko Udalak nazioarteko ordezkariek herrira egindako bisita.

bideoa prestatzen
Intsumisioaren aitorpena egin nahi du Iruñeko Udalak

2018-09-28
Intsumisioaren aitorpena egin nahi du Iruñeko Udalak, Nafarroan 80 eta 90eko hamarkadetan izandako protesta baketsu garrantzitsuenetako bat izateagatik eta desmilitarizatutako gizarte baten aldeko konpromisoagatik. Hori jasotzen duen adierazpena udal-taldeko lau alderdiek sinatu dute eta urriaren 4ko osoko bilkuran onartzea espero dute.