Skip to main content
bannerra

Azken bideoak: Poliziak

bideoa prestatzen
Guardia Zibilak Aranburu, Iturrioz eta Larrea erail zituenetik 40 urtera, zigorgabetasuna salatu dute Arrasaten

2018-11-16

Guardia zibilek eraildako Jose Mari Iturrioz 'Zapa', Roberto Aranburu eta Emili Larrea omendu dituzte Arrasateko Udal plazan eta Kulturate aretoan, haien heriotzatik 40 urtera. Arrasatearra zen Larrea, Garagartzakoa Aranburu eta Legorretan sortua Iturriotz. Komando Autonomo Antikapitalistek Aretxabaletako kuartelaren aurkako ekintza egin ondoren erail zituzten.

Franco diktadorea hil ondorengo urte horietan, ugari izan ziren poliziek egindako hilketa argitu gabeak eta gauza bera gertatu zen Arrasatekoarekin ere. Iturriotzekin eta Aranbururekin batera zihoan kidea, Kike Zurutuza, larri zaurituta baina bizirik atera zen.

Hilketen ondoren, hainbat arrasatearrek ikerkuntza katezaritza egin zuten, eta horren emaitza izandako txostena zabaldu zuten jendartean. Eta urtemugak ere balio izan du inpunitatea salatu eta gertaeren inguruko oroimena berpizteko. Hain justu, hildako batzuk gogoratzeko eta beste batzuk ezkutatzeko joera salatu du Marian Beitialarrangoitia EH Bilduko diputatuak Arrasateko ekitaldian.

Espainiako diputatuen kongresuko ordezkari izanik, Madrilerako joan etorrietan ikusi ahal izan du Espainian ere jartzen dela bertsio ofiziala zalantzan.

bideoa prestatzen
Torturatzaileei dominak kentzeko eta biktima guztiak erreparatzeko eskatu du EH Bilduk

2018-10-22

EH Bilduk salatu du dominak mantentzen dituztela tortura kasu latzekin lotutako “gutxienez” ehun bat poliziak. Datu hori Espainian frankismo garaitik hona saritu diren torturatzaileen zerrenda osatuta ondorioztatu du koalizioak. Eta Marian Beitialarrangoitia diputatuak Espainiako Gobernuari eskatu dio ken ditzala torturekin zerikusia duten kondekorazio guztiak eta aitor dezala torturaren errealitatea.

Polizien bahiketa, tortura eta hilketen senideen biktimekin batera egindako agerraldi batean egin du salaketa EH Bilduk. Informazio bilketa eta ikerketa eginda, frogatutzat jo dute tortura “praktika ohikoa” izan dela denbora luzean, eta Espainiak inplikatutakoak babestu dituela, kondekorazioa, indultua edota goi karguetara mugitzea eskainita.

Adibide gisara aipatu dute Sebastian Sotos Garciaren kasua ere: Espainiak bost aldiz saritua Jose Mari Larretxea Goñiren bahiketa saiakeran parte hartzea leporatuta. Gobernuburu guztiek saritu zuten gerora: Felipe Gonzalezek, Jose Maria Aznarrek, Jose Luis Rodriguez Zapaterok eta Mariano Rajoyk.

Azken asteotan, zeresana eman du ‘Billy el Niño’ goitizenez ezagun egindako poliziari domina kentzeko erabakiak. Beitialarrangoitiaren hitzetan, albiste ona da baina ez da nahikoa.

Are gehiago, salatu du Kepa Urraren torturatzaile Manuel Sanchez Corbi koronel ohiari Espainiako Gobernuak berriki eman dion domina. Hori dela eta, EH Bilduk Espainiako gobernuari exijitu dio ken diezaiela kondekorazioa guztiei eta biktima guztien erreparaziorako eskubidea aldarrikatu du Beitialarrangoitiak.

bideoa prestatzen
Ertzainen jokabidea salatu dute 'Cabacas auziko' lekukoek

2018-10-16
Istilurik gabeko tokian gomazko pilotak jaurtitzeagatik salatu dituzte ertzainak lekukoek, bigarren auzi saioan, eta kritikatu dute Iñigo Cabacasi laguntzea ere oztopatu zutela. Bereziki gogorra izan da gaztearen gurasoentzat lekukotza horiek entzun beharra.
bideoa prestatzen
Erraustegiaren atarian, Ertzaintzak bortizki geldiarazi du Zubietako martxa

2018-09-24

Ertzaintzak indarrez geldiarazi du Iraultza Txikien Akanpadari amaiera emateko Zubietatik erraustegira egindako martxa, igandean. Kanpaldiaren hirugarren eta azken egunean egin dute ibilaldia, zuriz jantzita, Zubietako plazan bildu eta erraustegia eraikitzen ari diren eremuraino. Lanen eremura sartu nahi izan dutenean, indarrez erreakzionatu dute ertzainek.

Protesta ibiltariaren asmoa, «kartzela, kuartela eta erraustegia ez direla ukiezinak erakustea» izan da, antolatzaileen hitzetan. Protestan ari zirenek ez dute amore eman eta ertzaintzen frentean eseri ziren, eta herritarrek ordaindutako eraikinera hurbiltzeko eskubidea aldarriaktu zuten. Poliziak eurengana jo zuen, ordea, eta borra kolpeen eta erorikoen ondorioz, hainbat zauritu eragin zituzten.

Ertzaintzak bidekokamerarekin ere grabatu zituen manifestariak eta helikoptero batek airetik jarraipena ere egin zien. Besteak beste, gertakariak grabatzen ari zen kazetari baten aurka ere jo zuten. Aurrez, Iraultza Txikien Akanpadan bildutako herritarrek omenaldia egin diete, Zubietako frontoian, aurrez Zubietako erraustegia gelditu zutenei. Oholtza gainean ziren Xabier Mikel Errekondo Usurbilgo alkate ohia, Marian Beitialarrangoitia Hernaniko alkate ohia, Enrike Lekuona Oiartzungo zinegotzi ohia eta Joxe Mari Iturbe Antzuolako zinegotzi ohia. Atez ateko sistema ezarri zuten herrietako ordezkariak, hain justu. Baita horretarako lagun izan zituzten San Marko Mankomunitateko ordezkariak, Rikardo Ortega Lasarte-Oriako zinegotzia eta Imanol Azpiroz, Usurbilgo zinegotzia ere.

Aurreko legealdian Gipuzkoako Hondakinen Kontsorzioko lehendakari zen Ainhoa Intxaurrandieta eta Ingurumen diputatu zen Iñaki Errazkin epaitu egin zituzten erraustegiaren eraikuntze gelditzeagatik, eta orain epaiaren zain daude. Egoera gogorra izaten ari den arren, babesagatik eskertuta agertu da Intxaurrandieta eta mezua igorri die haiek auzipetzearen ardura dutenei.

bideoa prestatzen
Iazko irailaren 20ko polizia errepresiotik urtebetera, hainbat ekitaldi antolatu dituzte Bartzelonan

2018-09-19
Ostegunean beteko da urtea, Espainiako Poliziaren miaketen ondorioz, Kataluniako erresistentzia abian jarri zenetik. Hain justu, duela urtebeteko ekitaldiengatik sedizio eta matxinada delituak egotzita, espetxeratuta daude oraindik Jordi Cuixart eta Jordi Sanchez. Testuinguru horretan, Kataluniako egoeraren kronika egin dute Saioa Baleztenak eta Asier Sanchezek.
bideoaren irudia
Ertzaintzak terrorismo jihadistari aurre egiteko lan ildoak aurkeztu ditu

2015-04-23

Ertzaintzak terrorismo jihadistari aurre egiteko lan ildoak aurkeztu zituen atzo Erandion. Gervasio Gabirondo Ertzaintzako buruak aurreratu zuenez, prebentzioa izango da terrorismo ismalista radikalari aurre egiteko gakoa. Herritarrei mezu zuzena helarazi zien gai hau lasaitasunez hartzeko eta islamismoa praktikatzen duen pertsona oro ez kriminalizatzeko eskatuz. Era berean, Europa mailan islamismo gaiak aztertzen diren foroetan parte hartzeko eskaera zuzena egin zuen Ertzaintzak.