Skip to main content
bannerra

Azken bideoak: Zinema

bideoaren irudia
Gure oroitzapenak, Joseba Sarrionandia idazlearen obran oinarritutako film kolektiboa

2018-04-11

Gure oroitzapenak, Joseba Sarrionandia idazlearen obran oinarritutako film kolektiboa da. Une honetan “ari gara” edo “work in progress” fasean dago. Bilboko Adabaki ekoiztetxeak produzitu du eta Elkar argitaletxeak, Gastibeltza filmak eta Zenbat Gara elkarteak ere parte hartzen dute. Hamabi zinemagileek pieza bana sortzen ari dira, Joseba Sarrionandiaren corpus literarioan murgil egin eta itsaso sakon bezain zabal horren puzle bat osatu nahian dabiltza. Hartara, Sarrionandiaren iruditeria poetiko eta literarioa zinema lan luze batera bilduta agertuko zaigu lehendabizikoz. Pieza guztiak hari fin batek lotuko ditu eta abiapuntuak ezezik trataera estetikoak ere batasuna emango dio lanari.

bideoaren irudia
Genero identitate eta adierazpena ardatz

2017-02-17

Zinegoak otsaileko ezinbesteko hitzordua bilakatu da aspalditik. Gaylesbotrans nazioarteko zinema eta arte eszenikoen jaialdiaren 14. edizioa da aurtengoa eta inoiz baino indartsuago dator. Bi asteko iraupena izango du, izan ere, garrantzia berezia emango diete dokumentalei. Joao Pedro Rodrigues zinemagile portugaldarrak eta Ugandako Queer Kampala jaialdiak izango dira aurtengo sarituak.

bideoaren irudia
Igelen iraultza, Patxo Telleriaren eskutik

2016-12-01

Abenduaren 2an estreinatuko da "Igelak" filma zinema aretoetan. Komedia soziala egin nahi izan du Patxo Telleria zuzendariak eta puri-purian dauden gaiak landu ditu filmean, ustelkeria zein etxe kaleratzeak, besteak beste. Telleriarekin izan gara pelikularen inguruan solasean.

bideoaren irudia
Euskaldunako emakumeen borroka gogoratuz

2016-11-17

Euskalduna ontziolaren gatazkan emakumeek aurrera eraman zuten borroka jasotzen du "Nosotras, mujeres de Euskalduna" dokumentalak. Larraitz Zuazo zuzendariaren eskutik, 80ko hamarkadan jazotako gertakari horiek protestetan egondako emakumeen ikuspuntutik biziko ditugu. Zinema dokumentalaren eta film laburren Zinebi jaialdiaren 58. edizioaren baitan emitituko da lana azaroaren 19an eta Arriaga antzokian azaroaren 26an.

bideoaren irudia
Euskarazko zinemaren gordailua

2016-11-10

Euskarazko zinemagintzaren argazki historikoa egiteko asmoarekin dator Ganbara proiektua. Artxibo digitalean dagoen hutsuneaz konturatuta, euskaraz egindako film guztiei buruzko informazioa bildu eta eskura jartzeko helburuarekin sortu da. Maialen Goñik eskaini dizkigu xehetasunak.

bideoaren irudia
"Maila teknikoa eta artistikoa daukagu nazioartean ibiltzeko"

2016-10-27

Euskal film laburren inguruan aritu gara Txema Muñoz "Kimuak" egitasmoaren arduradunarekin eta Xabier Arrate Euskal Zine Bilerako lantaldeko kidearekin. Adierazi dutenez, Euskal Herrian zinegile harrobi oparoa dago, eta nazioartean lehiatzeko maila tekniko eta artistiko nahikoa. Halere, maila hori mantendu ahal izateko ikusentzunezko sektorearen egonkortasun beharra aldarrikatu dute.