Image

Kirola

All Stories

'Hiru Hiriburuak' emakumezkoen pilota txapelketa aurkeztu dute

Euskadiko 'Hiru Hiriburuak' pilotaren agertokia izango dira hurrengo asteetan. 3 Hiriburuak txapelketa lehenengo aldiz antolatu da eta emakumezkoen presentzia kirolean indartzea da helburuetako bat. Irekia izango da eta bertan edozeinek eman ahal izango du izena, federatuta izanda edo ez. Gasteizen, Bilbon eta Donostian lehiatuko dira partidak hurrengo asteetan.

Euskal Selekzioen ofizialtasunaren aldeko aldarriak, Europako Multikirol Txapelketaren aurkezpenean

Gu ere bai! taldeak pankarta bat zabaldu du, salatzeko Bilbon larunbatetik aurrera egingo den proban euskal kirolariak Frantzia eta Espainiako koloreekin aritzera behartu nahi dituztela. Eusko Jaurlaritzari, Bizkaiko Foru Aldundiari, Bilboko Udalari eta talde politikoei inplikatzeko eskatu diete, egoerari irtenbidea topatzeko.

Gu ere Bai! plataformak salatu duenez, euskal kirolariak behartu nahi dituzte Espainiako edo Frantziako koloreekin aritzera.

Plataformak Espainiako Triatloi Federazioari galdetu dio zer egingo duen Euskal Herriko koloreekin parte hartuko duten euskal kirolariekin. Erantzun dietenez, txapelketatik kaleratuko dituzte.

Patinajeko munduko probarik gogorrena itzuliko da Nafarroara

P2P Zubiri – Iruña – Gares lasterketaren XXII. edizioa ospatukoda irailak 17 eta 18ko asteburuan. Aurten hamabost herrialde eta kontinente ezberdinetako patinatzaileak izango dira, 550 parte hartzailetik gora. Bertan munduko dozena bat txapeldunek eta nazioarteko dominadunek parte hartuko dute. Esate baterako Alemania, Austria, Belgika, Kolonbia , Estatu Batuak, Italia, Letonia, Portugal, Erresuma Batua, Errumania, Suitza, Ukraina eta Venezuelako kirolariak daude izena emanda, eta emakumeen % 35ek parte hartuko dute. Edizio honetan, 2019ko eta 2021eko azken bietan bezala, bi etapa independenteko egiturari eutsi dio. Larunbat arratsaldean maratoi erdi bat jokatuko da Zubiri eta Iruñea artean 21,7 kilometrorekin eta igande goizean Iruña-Gares tradizioa 42 kilometro eta 195 metrorekin.

Orio eta Urdaibai, 2022ko Kontxako Banderako irabazleak

Emakumezkoetan Orio gailendu da eta gizonezkoetan Urdaibai.

Emakumezkoen mailan oso estua izan da Orioren eta Arraun Lagunaken arteko lehia. Oriok lortu duen hirugarren Kontxako Bandera da.

Gizonezkoetan, Bermeoko taldeak 8 segundo atera dizkio Donostiarrari eta 22 Hondarribiari. Bi jardunaldiak kontutan hartuta Urdaibai izan da onena 38 minutu eta 57 segundoko denborarekin. Urdaibaik bere seigarren Kontxa eskuratu du.

Hondarribia, Zierbena, Orio, Getaria, Urdaibai, Kaiku eta Ondarroa sartu dira Kontxako Banderako sailkatze estropadan

Donostiarra antolatzailea izateagatik jada sailkatuta zegoen, zazpi taldeek sailkatze estropadan aurrera egin zuten asteazkenean (abuztuak 31). Zortziak arituko dira lehian datozen bi igandeetan, irailaren 4an eta 11n.

Hondarribiak egin zuen marka onena (19:43); 8 segundo atera zizkion Zierbenari, 11 Oriori eta 12 Urdaibairi. Kaikuk eta Getariak Hondarribiak baino 14 segundo gehiago behar izan zituzten; Cabok eta Getariak, aldiz, 16 segundo gehiago.

Itzuliko luzean Hondarribiak egin zuen denborarik onena, 19 minutu eta 43 segundoko markarekin. Zierbena 16 segundora geratu zen, eta Orio 19 segundora. Getaria laugarren izan zen 20 minutu eta 5 segundoko markarekin. Jarraitu zioten Urdaibai (20:09), eta Kaiku (20:09). Ondarroak (20:09) lortu zuen azken txartela.

Emakumezkoen txanda izango da gaur (irailak 1), lehen zazpi sailkatuak bandera irabazteko lehiatuko dira hurrengo bi igandeetan, Donostiarrarekin batera.

Skateko Euskal Selekzioak urrea eta brontzea lortu ditu Suitzako nazioarteko txapelketan

Skateko Euskal Selekzioak emaitza onekin bukatu du Suitzan jokatu den ESC Basel 2022 nazioarteko txapelketa. Euskal selekzioak lau skater eraman zituen, eta horietatik Africa Criadrok txapelketa irabazi du, urrezko domina lortuz. Bestalde, Sara Larrañagak hirugarren postua lortu du.

Euskal selekzioko kirolarien estreinaldia izan da Suitzako txapelketan eta laurak iritsi dira, gutxienez, finalerdietaraino. Egoitz Bijueska eta Itzel Ortizek, lehen txartela lortu zituzten gizonezkoen mailan.

Itzulia Gasteizen izan da eta hiriburuko zenbait kale zeharkatu ditu

Itzulia, Herbehereak zeharkatu ondoren, Gasteizera heldu da. Atzokoa izan zen atsedena hartzeko zuten egun bakarra eta gaur Itzuliaren ibilbideari ekin diote berriz
Eguerdian hasi da laugarren etapa, eta pelotoiak Arabako hiriburua zeharkatu du N-622 errepidea hartu aurretik. Itzulia Mendizabalako aparkalekutik irten da eta 6,5 kilometro egin ditu Gasteizko kaleetatik.
Ondoren, besteak beste, Gopegi, Murua, eta Agurain bisitatuko ditu Itzuliak. Ziklistek bi mendate izango dituzte laugarren etapako ibilbidean, lehenengoa Opakuako mendatea, 1.020 metrokoa, eta Herrerakoa 1.100 metrokoa. Antolakuntzak aurreikusten duenez, arratsaldeko bostak aldera Guardiara ailegatuko dira lehenengo txirrindulariak.

Munduko Txapelketan, K1 modalitatean ariko da Maialen Chourraut igandera arte, Augsburgen

Piraguista donostiarrak seigarren postuan amaitu du Augsburgeko Piraguismoko Munduko Txapelketako lehenengo proba Julia Cuchi eta Laia Sorribesekin batera. Bost hilabete bete dira Chourrauti ezker sorbaldan ebakuntza egin ziotenetik; hirugarrena du guztira, eta alde beretik bigarrena.

Beste bost euskal piraguista ere ari dira Munduko Txapelketan: Miren Lazkano, Klara Olazabal, Joan Crespo, Ander Elosegi eta Olatz Arregi.
hamaika telebista

11 laguntzaile

Image