Kirola

All Stories

Irurtzunek irabazi du Euskal Herriko Pilota Kluben txapelketa

Igande goizean Euskal Herriko Pilota Kluben arteko VI. Txapelketaren finala jokatu zen Zumarragako Beloki pilotalekuan. Irurtzun txapeldun geratu zen Lemoari 3-0 irabazita.

Lau t'erdikoan, Ongayk irabazi du Aitor Etxebarriaren aurka, 18 eta 9. Buruz burukoan, Retegi II-ak 18 eta 9 irabazi dio Aurrekoetxeari eta eskuz binaka, Ongai eta Berguera erraz gailendu dira Elezkano lehena eta Markel Egañarekin aurka, 22-4. Hemen duzue finala ikusgai.

Aitor Hernandez eta Paula Suarez nagusitu dira Legazpiko X Ziklo Kros proban

Jendetza hurbildu da Urtatza Zahar inguruetara, Legazpiko X Ziklo Kros probaz gozatzeko. Gizonezkoetan Aitor Hernandez eta emakumezkoetan Paula Suarez izan dira nagusi. Aitorrek denboraldiko lehen garaipena lortu du Iñigo Gomez, Gonzalo Inguanzo eta Jon Munitxaren aurretik, Gari Bravorentzat zortzigarren postua lortuta bere hirugarren ziklo krosean. Paulak ordea, hirugarren garaipena jarraian lortu du Olatz Odriozola eta Maria Modenes juniorrak gaindituta.

Laso-Etxebarria eta Altuna-Ezkurdia Lau t'erdiko finalerdietan

Final laurdenetako ligaxkak bukatuta, finalerdien koadroa erabakita geratu da pilotako lau t’erdiko txapelketan. Laso eta Etxeberria izango dira finalerdietako lehen partiduko protagonistak. Larunbatean arituko dira, hilak 30, Iruñeko Labriten arratsaldeko 17:00etan hasita. Beste finalerdia, Altunaren eta Ezkurdiaren artekoa izango da, igandean, urriak 31, Gasteizeko Ogeta frontoian.

Europa Ligako lehen garaipena lortu du Realak Austrian

Realak lehen garaipena eskuratu Europa Ligan 0-1 irabazita Sturm Grazi. Lehenengo bi jardunaldietako berdinketen ostean beharrezkoa zuen garaipena lortu dute txuriurdinek eta ligaxkako bigarren postuan kokatu dira. Bestalde, Espainiako Ligako 10. jardunaldia abiatuko da gaur, Osasunak Granada hartuko du gaur bertan Sadarren, larunbatean, Alavés-ek Cadizen jokatuko du eta Athletic Club, Vilarrealen aurka arituko da San Mamesen. Reala, azkenik, igandean lehiatuko da Atletico Madrilekin.

Argituz doa finalerdietarako bidea 4 t’erdiko txapelketan

Ezkurdiak eta Etxeberriak pilotako 4 t'erdiko txapelketaren finalerdietarako pasea lortu dute ligaxkako bigarren jarunaldian. Gainerako bi lehiakideak hirugarren jardunaldian erabakiko dira Altunaren eta Bengoetxearen, eta Lasoren eta Urrutikoetxearen arteko partiduetan. Elordik eta Jakak jada ez dute sailkatzeko aukerarik.
hamaika telebista

11 laguntzaile

Image