Kirola

All Stories

Kopako euskal finalera begira: Realak elastiko berria, Athletic-ek itxuraldatutako autobusa

Athletic-ek eta Realak apirilaren hiruan Sevillako La Cartuja futbol zelaian jokatu beharreko Kopako finala gero eta gertuago dago. Ikuslerik eta Lehendakariaren presentziarik gabe lehiatuko den hitzordura begira, Realak elastiko berria eta Athletic itxuraldatutako autobusa aurkeztu dituzte. Horrekin batera, Gabarraren konponketa lanek aurrera segitzen duten arren, apirilean ez da ospakizun masiborik egingo.

Eibarrek dinamika irauli behar du jaitsiera postuetatik ateratzeko

Gizonezkoen futbol Ligako azken jardunaldiak utzitako biharamunaren baitan, Eibarrek pairatzen duen egoera zailaren inguruan hitz egin behar dugu. Izan ere, Cadizen kontra galdu ostean, armaginak jaitsiera postuetan sartu dira. Jose Luis Mendilibarrek aurkariaren ate aurrean asmatzeko dituzten zailtasunak azpimarratu, txapelketa amaitzeko gero eta partida gutxiago falta direla gogoratu arren zulotik atera daitezkeela nabarmendu zuen. Bestalde, Osasunak Bartzelonaren kontra galdu zuen eta Realak zein Athletic-ek garaipen garrantzitsuak lortu zituzten Levante eta Granadaren aurka.

Lointek Gernika, Koparen bila Valentzian

Ostegunetik aurrera, IDK Euskotren Ibaetak eta Lointek Gernikak Kopa txapelketa jokatuko dute. Gipuzkoarrak Valentziaren kontra arituko dira, etxeko taldearen aurka hain zuzen ere. Eta, bizkaitarrek, bestalde, Tenerife izango dute aurkari. Busturialdekoak egoera zailean iristen dira, Covid19 gaitzaren ondorioak modu zuzenean pairatu ostean. Hala ere, bi euskal taldeen ametsa garaipena lortzea da.

Bilboko erlojupekoarekin hasi eta Arraten amaituko den Euskal Herriko Itzulia aurkeztu dute

Apirilaren 5a eta 10a bitarte lehiatuko den gizonezkoen Euskal Herriko Itzuliaren ibilbidea aditzera eman dute. Lasterketa Bilbon egitekoa den erlojupeko batekin hasi eta Arrateko gain mitikoan amaituko da. Bestelako etapa amaierak, Sestaon, Laudion, Hondarribian eta Ondarroan izango dira. Luxuzko parte hartzea espero da, besteak beste, Pogacar, Roglic, Carapaz, Higuita, Landa, Pello Bilbao edo Ion Izagirreren presentziekin.
hamaika telebista

Image