Kultura

All Stories

Bideojokoen euskal komunitatea biltzeko eta industria hura euskalduntzeko Jokoteknia jardunaldia ospatu da asteburuan

Bideojokoen euskal komunitatea biltzeko eta industria hura euskalduntzeko erronkaz aritzeko helburu duen Jokoteknia jardunaldia ospatu da asteburuan. Azkue Fundazioak eta Game Erauntsiak antolatzen dute eta hirugarren edizioa izan da aurtengoa. Ekitaldi guztiak bezala, honek ere koronabirusari egin behar izan dio aurre eta jardunaldia streaming bidez baino ezin izan da jarraitu.

35 gazte afrikarren 58 argazki bildu dituzte “Afrotopia" erakusketan

Urtarrilera bitarte egongo da ikusgai Afrotopia erakusketa Iruñeko Ziudadelan. Hector Mediavilla argazkilariak komisaraitua, 35 gazte afrikarren 58 argazki bildu dituzte “Afrotopian” eta izena bera ez da ausazkoa. Felwin Sarr musikari eta idazle senegaldarrak idatzi zuen hitza lehen aldiz, 2016an eta afrikarrek Mendebaldeko ispiluan begiratzeari uztea, eta euren etorkizuna eraikitzen hastea proposatu zuen termino horren bitartez.

Ederrenari eusteko deia zabaldu du Gernikako Astra gune autogestionatuak

Gernikako Astra gune autogestionatuak “Eutsi ederrenari” manifestua kaleratu du asteotan. Guneak 15 urte betetzear dagoen honetan, lan taldea bizitza erdigunean jartzeko garaia dela sinetsita dago eta hori bera helarazi nahi izan diote gizarteari eta politikariei. Pertsonen beharrak asetzeko eskaera egin zioten administrazioari eta haien jardunean hori da hain zuzen egingo dutena. Kultur ekitaldia anitz antolatu dituzte datozen hilabeteetan, jendeak segurtasun neurriak betetzea garrantzitsua den bezala, gizartean kultur nahiak asetzea ere beharrezkoa delakoan.

Durangoko Azoka Euskal Herrira zabalduko du "Zu non han DA" ekimenak

Euskal Herria Durangoko Azokara hurbildu ezingo den urte honetan, Euskal Herrian zehar barreiatuko da Durangoko Azoka. Hala aurkeztu du Gerediaga elkarteak Eusko Jaurlaritzarekin batera aurrera aterako duen “Zu non han DA!” ekimena. Azoka bera online izango dela iragarri zuen elkarteak urrian eta iragan ostiralean, aurtengo Azokaren beste berritasun bat aurkeztu zuten.

Asteburu honetan ospatuko da Zurrunbiko arte eszenikoen jaialdia Gasteizen

Apirilean ospatu ohi da, baina pandemiaren ondorioz kuskizunak atzeratu behar izan zituzten. Aldiz, jaialdiaren baitan antolatzen diren topaketa profesionalak online egin zituzten apirilaren 4an. Orain, gaur hasita eta igandera arte, publikoari zuzendutako emanaldiak programatu dituzte.

Egunkaria auzian oinarritutako "Sisiforen paperak" estreinatuko da ostiralean

Gasteizko nazioarteko antzerki jaialdian estreinatuko da obra, Principal antzokian. Harkaitz Canok idatzi du gidoia eta zuzendaritza Fernando Bernues-en esku utzi du lana ekoitzi duen Ttanttaka konpainiak. Auziaren inguruko hausnarketa librea bada ere, Egunkariarekin egindako injustizia salatzen du obrak eta errealitatera ekartzen duten zenbait elementu ditu antzezlanak.

Larunbatean hasiko da Bilboko 39. Nazioarteko Txotxongiloen jaialdia

Bilboko 39. Txotxongiloen Nazioarteko jaialdia hilaren 21etik 29ra ospatuko da aurten. Orotara Euskal Herriko, Espainiar Estatuko, Galizia eta Kataluniako 12 konpainien ikuskizunek beteko dute programazioa, Campos Eliseos Antzokiko kupula aretoa izanik gune nagusia.

hamaika telebista

Image