Image

Kultura

All Stories

Otsailaren 8an 'Hondamendia' antzezlana eskainiko da Gasteizen

Harkaitz Kanoren gidoiarekin Ximun Fuchs-ek zuzendutako antzezlana da 'Hondamendia'. Istorioa 2020ko otsailaren 6an hasten da eta 2022ko inauterietarainoko ibilbidea egiten du. Axut! eta artedrama antzerki konpainien arteko elkarlana da, batera egiten duten 5. proiektua. Musika zuzenean, dantza eta antzerkia biltzen dituen lana da. Zaldibarreko hondamendia hizpide izanik, hondamendia gertutik pairatu zutenekin bildu dira prozesuan. Bestalde, Osasun zerbitzuko gatazkak, lan heriotzak eta lan baldintzak jomugan jartzen ditu antzezlanak.

"Geu afrikarrok" erakusketa izango da Montehermoson otsailaren 26a bitartean

Montehermoson izango da ikusgai “Geu afrikarrok” erakusketa otsailaren 26a bitartean. Erakusketa giza eskubideen eta sorkuntza artistikoaren deialdian aukeratutako proiektua da. Garapenerako Lankidetzaren Zerbitzuak eta Kulturuneak antolatu dute erakusketa. Partekatzen ditugun giza balioen bilaketa izan nahi du erakusketak, gure jatorria kontuan izan gabe. Hamar gunetan zehar, jatorri ezberdinetako zortzi gaztek beren burua definitu dute. Norberaren logelako txoko intimotik abiatuta, buruko espazio batera gerturatzeko gonbita luzatzen dute.

Benidorm Fest-eko abesti irabazlearen euskarazko bertsioa egin du Kai Nakaik

Kai Nakaik abeslari gasteiztarrak Benidorm Fest-eko abesti irabazlearen euskarazko bertsioa egin du. Horrez gain, finalera heldu ziren beste 7 abestien bertsioak ere igo ditu bere instagrameko profilera.

Kai Nakai bere album berrian ari da lanean, eta bitartean "euscoverrak" egiten ditu sareetan aktibo egoteko. Blanca Palomaren abestiaren bertsioa "euscover" hoerien parte da.

Ines Osinagaren ‘Itsasoa da bide bakarra’ diskoa ezagutuko dugu aste honetako Musika Zuzenean saioan

Gose taldean egin zen ezagun Ines Osinaga, eta bere bakarkako lehen proiektua da gaur ezagutuko duguna. Liburu-disko formatua du, eta oso diseinu “polita” duela nabarmendu du Koldo Otamendi saioko aurkezleak. Disko honetan bildu ditu azken bost urte hauetan egindako kantuak, eta hainbat kolaborazio ere izan ditu.
Otamendik diskoko emakumeen parte hartzea nabarmendu du; izan ere, Osinagak hainbat emakume sortzaile bildu du disko honetan, bai abesten, bai musika sortzen, eta baita bestelako espresio kultural eta artistikoetan ere.

Garazi Velasco, Noiz agenda: “Euskal Herriko kultur muskulua zaintzea da gure helburua”

Garazi Velasco Noiz agendako kidearekin erreparatu diogu otsaileko kultur agendari. Noiz agenda Euskal Herriko magazine kolaboratiboa da, eta hilero argitaratzen dute 2010. urtetik. Azpimarratu du beren helburua dela Euskal Herriko “kultur muskulua zaintzea eta haren bozeramailea izatea”.
Datozen hilabeteetako musika, antzerkigintza, erakusketa eta zinemagintza arloko gomendioak eman dizkigu Velascok: Olaia Intziarte eta Janus Lesterren kontzertua, ‘Karpeta urdinak’ torturari buruzko dokumentala edota Ines Garciaren ‘Slides’ eta Ines Bermejo eta Julen Nafarrateren LGTBIQ+ pertsona nagusiei buruzko erakusketa, besteak beste.
hamaika telebista

11 laguntzaile

Image