Kultura

All Stories

Arabako Bertsozale Elkarteak aurkeztu du 2022ko Arabako Bertsolari Txapelketa

Apirilaren 1ean hasi eta ekainaren 11n amaituko da; guztira, 30 bertsolarik parte hartuko dute aurtengo edizioan. Bost final zortziren, hiru final laurden, 2 finalerdi eta finala izango ditu txapelketak. Final laurdenak Dulantzin, Zigoitian eta Aramaion. Finalerdiak Araian eta Izarran, eta, azkenik, finala, Gasteizko Europa Biltzar Jauregian, Maria Maeztu auditorioan. Sarrerak www.bertsosarrerak.eus webgunean eskura daitezke dagoeneko.

Navarra Arenak Iruña Rock jaialdia hartuko du bi urte ospatu gabe egon eta gero

Koronabirusak ezarritako bi urteko itxaronaldiaren ondoren asteburu honetan 17 talde eta artista Navarra Arenako eszenatokira igoko dira. Gaur arratsaldean hasi eta bihar amaituko da. Gaurko eskaintzan: Su ta Gar, Lehendakaris Muertos, Segismundo Toxicomano, Tropa Do Carallo, Desakato, The Guilty Brigade eta Mosh taldeek joko dute. Arratsaldeko lauretan irekiko dituzte ateak eta goizeko hirurak arte taledeek kontzertuak eskainiko dituzte.
Bihar, berriz, Virenque, Los de Marras, Ira, Aphonnic, Buhos, Los Chikos del Maiz, Kase O, Zoo, Mafalda eta Dinamitaren txanda izango da. Larunbatean kontzertuak eguerdiko ordu bietan hasiko dira eta goizeko laurak arte ez dira amaituko.

22. Korrikaren lehenengo aurkezpen soziala egin da Iruñean

Lekukoa Amurrion da dagoeneko, eta furgonetak motorrak berotzen hasi dira. Korrika hasteko aste pare bat besterik ez da falta. Pandemiak urtebete atzeratu du ohiko hitzordua, baina ilusioak bizirik dirau. Ostegunean egin dute euskararen aldeko ekimen erraldoiaren lehenengo aurkezpen soziala, Iruñean, Nafarroako Antzerki Eskolan. Bigarrenaren txanda martxoaren 24an izango da, Bilbon.
Korrikaren bi helburuak gogoratu dituzte, hots, euskararen aldeko kontzientzia suspertzea eta AEKren eguneroko jardunerako dirua biltzea.

Haurtzaroko sexu abusuez idatzi du Maddi Ane Txoperenak 'Ez erran inori' eleberrian

2020ko Igartza Saria irabazi zuen Maddi Ane Txoperenak bere proiektuarekin, horren emaitza da Elkar argitaletxeak kaleratu duen nobela. Lehenik eta behin eskerrak eman dizkie isiltasuna apurtzeko baldintzak sortzen lan egiten duten guztiei eta zuzenean liburua idazteko prozesuan lagundu diotenei. 'Ez erran inori' eleberriak Lideren istorioa kontatzen du, bera da protagonista nagusia. Irakurleak lehen kapitulutik jakiten du Lide haurra zela bere bizilagunak berataz abusatu zuela, narrazio osoan zehar, nerabezaroan eta gaztaroan sartu ahala sexu abusu horren ondotik bizi dituen guztiak kontatzen ditu. Liburuak 135 orrialde ditu, tonu aldetik nahiko iluna, irakurterraza eta pertsonen eta denboren arteko jolasak egiten dituela azaldu du Txoperenak.

Koldo Otamendi: 'Baxuak presentzia handia du S.A.D. taldean, base potenteak dituzte'

Koldo Otamendi Musika Zuzenean saioko aurkezleak gaurko saioak dakarrena aurreratu digu. Gaurkoan, S.A.D. musika taldea izango da protagonista, Aieru diskoarekin. Honen sorkuntza lana pandemia garaian burutu zuten, etxean egondako denbora probestuz zirriborroak idatzi eta kantuak sortzeko. SAD taldeak rock giroak lantzen ditu nagusiki, baina bada ñabardurarik bertan; Giro ilunak nagusitzen dira, non baxuaren presentzia handia da kantuetan. Dagoeneko hasi ditutze Aieru diskoa aurkezteko zuzeneko emanaldiak.

Ez ezazue galdu gaurko saioa 20:15etan edo 22:00 Hamaika TBn!

“Bretxa” Toti Martinez de Lezea idazlearen liburuan oinarritutako musikala egingo da

Oihan Vegak eta Vale Moñuxek sei urte daramatzate lan egiten Martinez de Lezetarekin batera, antzokian kontatzen den istorioak liburuaren antza handiena izan dezan. 150 artista baino gehiagorekin lan egin dutela adierazi dute; Bergarako Musika Eskola eta Antzerki Elkartearekin lan handia egin dute obra egiteko.
Musikala hizkuntza anitzezkoa izango da, garai historikoa errespetatzeko asmoz. Pertsonaia bakoitzak bere hizkuntza originalean hitz egingo du; dena den, musikalaren %85 inguru euskaraz izango da. Eta, 2023ko urtarrilaren 13an estreinatuko da Victoria Eugenia Antzokian.

“Urak aske” dokumentala proiektatuko da Oihaneder Euskararen Etxean

Oihaneder Euskararen Etxean (Gasteiz) “Urak aske” dokumentala proiektatuko da. Bego Zubiaren lanak larrialdi klimatikoa du ardatz. Dokumentalak natura berreskuratzeko helburua izan duten bi urtegien deuseztapen berri ematen du. Bi urtegiak zergatik hustu diren eta lanen inguruan egindako ikerketak ere ezagutzera ematen ditu.

Netflix plataformak urtean 200 ordu azpidatziko ditu euskaraz, eta 20 ordu bikoiztu

Euskarak, galegoak eta katalanak presentzia handiagoa izango dute Netflixen 2022an. Plataformak, guztira, 70 ikus-entzunezko inguru txertatuko ditu 2022ko katalogoan, eta pixkanaka jarriko ditu eskuragarri. AEBetako konpainiaren asmoa da urtez urte sorta hori handitzea.
2022an txertatuko dituzten ikus-entzunezkoetan nazioarteko film eta serieen 600 ordu azpititulatuko dituzte eta 60 ordu bikoiztu; euskaraz 200 ordu azpidatziko dituzte , eta 20 ordu bikoiztu.
hamaika telebista

11 laguntzaile

Image