Julen Hernandez ZeidFest jaialdiko komunikazio arduradunak nabarmendu digu "milaka emozio" sentitu dituztela ZeidFest jaialdiko ikuskizunak hasi baino lehen: "Jaizkibel Konpainiako kideek ireki dituzte jaialdiko ateak, eta oso momentu polita eta hunkigarria bizi izan dugu".

Jaialdi inklusiboa, herrikoia eta anitza antolatu dutela nabarmendu du Hernandezek, eta bigarren edizioa izanik, iazko ediziotik irakaspenak atera, eta hobekuntza ugari jarri dituzteela martxan, gerturatzen direnen kezka bakarra "ondo pasatzea eta dantzatzea" izan dadin.

Araba izango da 2023tik aurrera “Ura Bere Bidean” proiektuaren egoitzetako bat. Ekitaldi berezi bat egingo da Buesa Arenan irailaren 23an. Arabako abesbatzek, parte hartu nahi duten Euskadiko abesbatza gonbidatuekin batera, “Ura Bere Bidean” abestien bertsio koralak estreinatuko dituzte.

Lehenengoa abenduaren 30ean egingo dute, Gasteizeko Jimmy Jazzen. Bigarrena, 2024ko urtarrilaren 13an, Bilboko Kafe Antzokian. "Pasa da asko, falta da gutxi" lelopean, Euskal Herriko plazetan igarotako 24 urteak omenduko dituzte.

Betagarrik 2017ko uztailean eman zuen bere azken kontzertua, Hatortxu Rocken 20. edizioan. Betagarri 1993. urtean sortu zuten, ska-rocka ardatz hartuta, eta bere ibilbidean hamabi disko argitaratu zituen taldea

CIRCE diziplinarteko eta nazioarteko hausnarketa-taldearen parte izatera heldu da. Tabakalerak 300.000 euro jasoko ditu 2023an zehar lau proiektu egiteko. Proiektu horiek artisten eta erakunde ez-kulturalen lankidetza-metodologiak proposatuko dituzte eta praktika artistikoaren bidez gauzatuko dira.

Tabakalerak Artea, Zientzia, Teknologia eta Gizartea esparruko ibilbidea 2020an hasi zuen. Ibilbide horren helburua sorkuntza artistikoko proiektuak garatzea da. Esparruaren lehenengo ekoizpen artistiko ‘Supraspectives’ izan zen.

Tokiko Gobernu Batzarrak erabaki hau berretsi du eta elkartearekin hitzarmen bat sinatu du, hortaz, Izaskun Arrue Kulturgunearen ate irekiera gero eta gertuago dago. Lazarraga elkartea euskararen aldeko zabalkundea, sustapena, sorkuntza eta aisialdia sustatzen duen elkarte bat da eta proiektuaren garapena 2026ko abenduaren 31ra arte izango da. Gasteizko Udalak 292.950 euroko diru-laguntza eskaini du proiekturako.

Iruñeko erraldoi eta kilikien konpartsak karrikak musikaz eta kolorez busti zituen larunbatean ezohiko karrikadantzan, goiz guztian zehar Iruñeko hiri gorputza ondare inmaterialeko kultur ondasun izendapena ospatzeko.

Duela bi hilabete hasi zen Arabako Bertso Kuadrilla arteko txapelketaren zazpigarren edizioa eta asteburu honetan, Laudion, finala izan da. Errexala eta Katuko Muinoak Gasteiztik, eta Izena pentsau bida, Aramaiotik, taldeak kantuan aritu dira. Azkenean, zazpigarren edizio honetako txapeldunak Katuko Muinoak izan dira.