Kultura

All Stories

Irati Agirreazkuenaga: 'Formatu txikiko antzerki proposamenak bildu ditu Poltsiko Jaialdiak'

Irati Agirreazkuenaga aktoreak eta kultur adituak kultur agenda betetzeko gomendioak eman dizkigu. Gaur bertan Galdakaon hasiko den Sormene udaberriko edizioa; Donostiako Poltsiko Jaialdia; Getxon egingo den KALEFEST ekimen kultural berria; eta Bilboko BIRA kulturgunean Olatz Salvador eta June Fernandezen ekitaldia maiatzaren 24ean.

Ander Rivero: 'Erdi Arora bueltatuko da Balmaseda asteburu honetako azokarekin'

Beste behin, Balmasedako Erdi Aroko Merkatua bueltan izango da asteburu honetan, pandemiaren etenaldiaren ondotik; larunbatean hasi era igandean bukatu da eta aktibitate ugari antolatu dituzte Balmasedako hiribildua erdi arokoa bihurtzeko. Ander Rivero kultura saileko arduradunak eman dizkigu xehetasun guztiak.

'Gure hots' dokumentalaren proiekzioa gaur Oihanederren

'Gure Hots' dokumentalaren proiekzioa egingo dute gaur Gasteizko Oihaneder Euskararen Etxean, arratsaldeko 18:30etan. Arrate Fernandezek zuzendu du ikus-entzunezkoa, eta azken 40 urteetan euskal emakumeek lan munduan izan duten egoeraren erradiografia historikoa egiten du. Horrez gain, gaur egun zer-nolako ondorioak eta eraginak sorrarazi dituen ikertzen ditu.

Lan honetan Euskal Herriko emakume desberdinen testigantzak jaso dira. 1980 eta 2020 urteen artean kokatzen da eta lau hamarkada hauen berrien iritziekin harilkatua dago. Gai desberdinen inguruan arituko diren zientzilarien, idazleen eta profesionalen ahotik hainbat bizipen eta errelato emango dira ezagutzera.

Gotzon Barandiaran: 'Emakume sortzaileek berezkoa duten plaza bermatu nahi du Sormenek'

Azaroan ospatutakoaren ondotik dator Galadakaoko Sormene jaialdiaren edizio berri bat, maiatzaren 12tik 15era bitartean. Baita hilaren27an ere. Galdakon ospatzen bada ere, bertatik Euskal Herri osoarentzat zuzenduta dago. Euskarazko kulturgintzaren transmisioa ardatz, aurreko edizioetako abiapuntu eta helburu bertsuekin abiatu duzue Udaberriko programazioa. Egitarau zabala eta aberatsa dakar Sormenek, diziplina desberdinekin hornituta; antzerkia, musika, liburuak publiko zabalarentzat eginikoa gazte belaunaldiei begira ere hainbat ekitaldi daude antolatuta. Hezkuntza arautuko eragileekin daukagun harremana estua eta iraunkorra da; emaitzak oso onak dira, ikasle eta irakasleek oso ondo baloratzen dute" adierazi du Gotzonek. Lorea Argarate, Ines Osinaga eta Olatz Salvador 'Mauriziak ez dau inor hil!' ikuskizuna landuko dute ikasleekin. Doinu tradizionalek eta elektronikoek bat egingo dute, plazandreei gorazarrea egiteko. Kultur alorrean lekua nori egin zaion eta nori ez zalantzan jartzeko unea dela ere azpimarratu dute. Sormenek emakume sortzaileen lana erdigunera ekarri nahi du, hain zuzen ere. Emakume sortzaileen lana ezagutarazi, nabarmendu eta zabaldu nahi duela azpimarratu dute Gotzonek, emakume sortzaileek berezko duten plaza bermatu; beraiek dira protagonista.

Afrikako musika elektronikoa Euskal Herrira dakar Frikun talde lapurtarrak

Niko Perretek, Xanti Legartok, Xabi Leonen eta Jon Erbitik osatzen dute Frikun taldea. 'Ezerezko herria' diskoa kaleratu berri dute, iraupen luzeko bigarren lana. Taldearen hastapenak 2016 urtean kokatzen dira. Hasieran, bertsioak izan egiten zituzten nagusiki; taldekide berriekin batera, hasi ziren kantu propioak sortzen.

Musikalki Afro Beat bezala definitzen du bere burua Frikun taldeak. Afro, rock eta euskara bat eginik, hiru zutabe nagusik markatzen dute beraien lana: Afrikar giroak, Basamortuko Bluesa eta Karibeko doinuak, besteak beste. Taldeko kideak proiektu ezberdinetan ibilitakoak dira: Skunk, Joxe Replay, Roots Systen, Cumbiam'bero edota Sparteens adibidez.

'Ezerezko herria' diskoko kantuak pandemia garaian sortu eta grabatu dituzte. Etxean egindako kantu zatiak batu, entsegu lokaleko lanean borobildu, eta Grabaketa Mugerreko Atturri estudioan egin dira nagusiki.

Ikus erreportajea osorik, hamaika.eus atarian, nahieran edo YouTube kanalean.

hamaika telebista

11 laguntzaile

Image