Mundua

All Stories

Frantziak zentral nuklear berriak eraikiko ditu

Bart arratsaldean, Emmanuel Macron Frantziako presidenteak iragarri du zentral nuklear berriak eraikiko dituztela. Frantziak hamarkadak daramatza zentral nuklearrak eraiki barik. Hala, joera aldera hori argudiatzeko bi arrazoi azaldu ditu Macronek. Batetik, independentzia energetikoa bermatzeko. Bestetik, energia nuklearrak berotegi-efektuko gasik isurtzen ez duen energia iturria ez delako.

Glasgown konpromisoa hartu dute deforestazioa gelditzeko eta metano isuriak %30 murrizteko

Glasgown, Eskozian, egiten ari da COP26 klima larrialdi buruzko nazioarteko goi bilera, hilaren 12an bukatuko dena. 200 bat agintari bildu dira bertan, klima larrialdiaren konpromisoak hartzeko helburuaz eta dagoeneko bada akordiorik.
Global Carbon Projecten txostenak iragarri du isuriak 2032an eten beharko liratekeela. Horregatik, ehun herrialde inguruk onartu dute metano isuriak % 30 murriztea. Horrez gain, baso eremuen suntsitzea eta lurren degradatzea geldiarazteko konpromisoa hartu dute herrialdeek. Bestelakoan, azaroaren goi bilerak Lurraren berotzea 1,5 gradura mugatzea du xede beraz ikusteke dago zer gehiago erdietsiko den. Bien bitartean, ekologistek salatu dute aldaketak ez direla bilkurarik etorriko.

Hispanitatearen egunak, beste behin ere, hautsak harrotu ditu

Urriaren 12an Hispanitatearen eguna ospatzen da Espainiako Estatuan. Ospakizun nagusia Madrilen egin da, baina beste hainbat herritan desfileak ere egin dira. Hala, Jaurlaritzako eta Kataluniako ordezkariak ez dira Madrilen izan, ezta Galiziako eta Gaztela-Mantxako presidenteak ere. Horrez gain, Defentsa Ministerioaren aparteko gastua ere jomugan izan da.

200 urte dira Mexiko Espainiar erresumatik independizatu eta errepublika aldarrikatu zuela

200 urte bete dira Mexiko Espainiar erresumatik independizatu eta errepublika aldarrikatu zuela. Ekitaldia antolatu dute egun handia ospatzeko.

"Independentzia politikotik abiatuta, nazio berriak oso proba zailak eta mingarriak gainditu zituen, gaur egun garena izatera iritsi arte. Eskerrik asko historian zehar Mexikoren izena balorez, iraunkortasunez eta euren bizitza eskainiz goraipatzen jakin duten emakume eta gizonei ", azpimarratu du Andres Manuel Lopez Obrador Mexikoko presidenteak.

hamaika telebista

11 laguntzaile

Image