Mundua

All Stories

Koronabirusaren aurkako txertoa, geroz eta gertuago

Moderna, Pfizer eta BionTech farmazeutikek txertoak merkataratzeko baimena eskatu diote Europako Sendagaien Agentziari. Txertoen aurrerapenek eta Covid-19 kutsatzeen beherakadak merkatuetan bultzada eta baikortasuna sortu dute, Ibex35ak inoizko hilabeterik onena sinatu du azaroan.

Iranek Israeli egotzi dio zientzialari nuklearraren hilketaren erantzunkizuna

Israeli eta oposizioko talde bati egozten dio Iranek zientzialari nuklear baten hilketa. Hasiera batean erasoa ibilgailu batean zihoazen bost gizon armatuk egin zutela zabaldu zen arren, orduek aurrera egin ahala nabarmen aldatu da gertatutakoari buruzko bertsio ofiziala. Azken bertsioaren arabera modu telematikoan kontrolatutako metraileta batekin hil zuten Moshen Fajrizadeh. Erasoa AEBetan gobernu aldaketa gauzatu baino gutxi lehenago iritsi da. Iranek erasoari erantzuten badio zaildu egingo da Washingtoneko administrazio berriarekin izan dezakeen harremana, eta hortik erantzuna atzeratzeko nahia.

Bin Salmanekin bildu da Netanyahu sekretupean

Benjamin Netanyahu Israelgo lehen ministroa Mohamed Bin salman Saudi Arabiako printze oinordekoarekin bildu da asteburuan Saudi Arabiako Neom hirian. Bidaia sekretupekoa izan den arren Israelgo hedabideek eman dute bidaiaren berri. Kan irratiak "Saudi Arabiarekin harremanak normalizatzeko kontaktuen testuinguruan" kokatu du bidaia. Hala, dagoeneko Arabiar Emirerri Batuek eta Bahreinek hartutako bide bera hartuko luke Ryadek ere.

Nepalgo eskualde ezezagun eta isolatuenean Chhaupadi ohiturak dirau oraindik

Nepalgo eskualde ezezagun eta isolatuenean oraindik hilekoaren inguruan duten tabuak irauten du. Emakumeak komunitatetik aldendu behar dira hilekoa dutenean. Lohitzat hartzen dituzte eta are gutxiago igo dezakete mendi bat. Bidegabekeria horren aurrean arreta erakartzeko asmoz, Edurne Pasabanek espedizio bat egin zuen eskualdeko lau gazterekin. Elkarrekin, aldaketarako eta itxaropenerako leihoa irekitzen dute Himalaiako emakumeentzat.

Gerra osteko krisiari aurre egiteko bide-orria aurkeztu du Armeniako lehen ministroak

Armenian, Karabakh garaiko bake akordioak eragindako krisitik ateratzeko helburua duen bide orri bat aurkeztu du Nikol Pashinian lehen ministroak. 44 egun iraun duen gerrak milaka hildako eta zauritu eragin ditu, eta orain arte armeniarrek kontrolatzen zituzten hainbat zonalde Azerbaijanen esku geratu dira. Akordioa traizio modura ikusten dute askok Armenian. Oposizioak bere dimisioa eskatu du bake-akordioa publiko egin zenetik.

hamaika telebista

Image