Suediak eta Finlandiak jada igorri dute NATOn sartzeko eskari ofiziala. Jens Stoltenberg NATOko idazkari nagusiak «urrats historiko» gisa deskribatu du bi herrialdeek erabaki hori hartu izana.

Poloniak astebete barru erabakiko du Pablo Gonzalezi espetxealdia luzatu ala ez, fiskalak eskatu bezala. Gonzalez otsailaren 28an atxilotu zuten Przemyslen, Errusiarentzat espioitza lanak egitea egotzita.

Atxilotu egin dute AEBko supermerkatu batean hamar hildako eragin dituen supremazista zuria. Tiroketaren egileak, 18 urteko gazte supremazista zuri batek, zuzenean eman zuen Interneten bere krimena.

Jeninen izan da. Prentsa gisa identifikatuta zegoen. Soldadu israeldarrek buruan tiro eginda hil dute 51 urteko kazetaria.

Garaipenaren Eguna ospatzen ari dira Errusian, eta Ukrainako inbasioari buruz mintzatu da Putin. Mendebaldeari leporatu dio «entzungor» egitea «segurtasun sistema berri bat» sortzeko egindako deiei.

Sinn Feinek irabazi ditu lehendabizikoz Ipar Irlandako bozak, eta alderdi unionistak apaldu egin dira. Unionisten 100 urteko nagusitasunarekin amaituz, garaipen historikoa izan da. Errepublikanoek 2017ko bozetako kopuru berari eutsi diote: 27 aulki. DUP alderdi unionista 25ekin geratu da, hiru galtzeraino.

Errusiak gas hornidura eten die Bulgaria eta Poloniari errubloetan ez ordaintzeagatik. Baina, bitartean, Europar Batasunak gasa errubloetan ez ordaintzeko eskatu du. Izan ere, EBren ustez, errubloetan ez ordaintzea Errusiari jarritako zigorren urraketa argia litzateke.

Alemaniak Errusiarekiko duen menpekotasun energetikoa nabarmen murriztu du. Ane Irazabal kazetariak 'Gurean Gaur' magazinean azaldu bezala, gerrak eztanda egin baino lehenago, Alemaniara inportatzen zen gasaren %55a Errusiatik zetorren; baina gerrak eztanda egin zuenean, eta zigor ekonomikoei buruz hitz egiten hasi zirenean, gasaren inportazioa nola dibertsifikatu zezaketen erabaki zuten.

Gauzak horrela, Qatarrrekin akordio bat sinatu dute gas likidotua lortzeko. Hala, gasa transformatzeko azpiegitura berriak egin behar izan dituzte. Berebat, azpimarratu du Ukrainako gerrak bat egin duela Alemaniako zentral nuklearren itxierarekin.

Estatu Batuetako Auzitegi Gorenak abortu eskubidea baliogabetzeko eskatu du. 1973tik dago indarrean eskubide hori herrialdean, Politico atariak argitaratutakoaren arabera, Gorenak instantzia judizialaren zirriborroa du.