Ukrainako portuetan 20 milioi tona zereal eta ekilore-hazi daude merkaturatu ezinik, Itsaso Beltzean blokeatuta. Elikagai krisiak eta goseteak mehatxu dira, batez ere, Afrikan. Goseteen, ezegonkortasunaren eta elikagai eskasiaren testuinguruak pertsona gehiago bultzatuko ditu migratzera. Ukrainako gerraren eta Errusiari ezarritako zigorren ondorio zuzenena Europan inflazioa izaten ari da. Ziurgabetasuna eta tentsio handia; ekaitz perfektua indar populisten eta ultraeskuindarren gorakadarako.